កាលពីដើមខែនេះ ស្មាតហ្វូនជំនាន់ថ្មី Samsung Galaxy S27 ត្រូវបានគេមើលឃើញថា បានបង្ហាញវត្តមាននៅលើបញ្ជី IMEI database របស់ស្ថាប័ន GSM Association ហើយ ដោយស្មាតហ្វូននេះ គឺមានលេខម៉ូដែល SM-S925U។ នៅថ្ងៃនេះ មានព័ត៌មានថ្មីមួយទៀតនិយាយពីស្មាតហ្វូនជំនាន់ថ្មីរបស់ក្រុមហ៊ុនបច្ចេកវិទ្យាយក្សកូរ៉េខាងត្បូងមួយនេះថែមទៀតហើយ ដោយលើកនេះ គឺនិយាយពីគ្រប់ម៉ូដែលតែម្តង។
កាលពីដើមខែនេះ ស្មាតហ្វូនជំនាន់ថ្មី Samsung Galaxy S27 ត្រូវបានគេមើលឃើញថា បានបង្ហាញវត្តមាននៅលើបញ្ជី IMEI database របស់ស្ថាប័ន GSM Association ហើយ ដោយស្មាតហ្វូននេះ គឺមានលេខម៉ូដែល SM-S925U។ នៅថ្ងៃនេះ មានព័ត៌មានថ្មីមួយទៀតនិយាយពីស្មាតហ្វូនជំនាន់ថ្មីរបស់ក្រុមហ៊ុនបច្ចេកវិទ្យាយក្សកូរ៉េខាងត្បូងមួយនេះថែមទៀតហើយ ដោយលើកនេះ គឺនិយាយពីគ្រប់ម៉ូដែលតែម្តង។
តាមការលើកឡើងនៅថ្ងៃនេះ គឺមានការបញ្ជាក់ពីវត្តមានរបស់ស្មាតហ្វូន Galaxy S27+ និង Galaxy S27 Ultra ស្របពេលដែលស្មាតហ្វូន Galaxy S27 Pro ក៏ត្រូវបានគេទម្លាយព័ត៌មានច្បាស់ជាងគេ។ នៅលើបញ្ជីថ្មីនេះ គឺបានបញ្ជាក់ពីការផ្តោតខ្លាំងសម្រាប់ Pro ថា នឹងមានវត្តមានជាការពិត។ ស្មាតហ្វូនជំនាន់ថ្មីទាំងនេះ គឺមាន Galaxy S27 Pro មានលេខម៉ូដែល SM-S957B/DS ខណៈដែល S27+ គឺមានលេខម៉ូដែល SM-S956U និងម៉ូដែល S27 Ultra គឺមានលេខម៉ូដែល SM-S958U។
ប្រភពខាងលើនេះបន្តថា ស្មាតហ្វូនជំនាន់ថ្មី Galaxy S27 Series នឹងមានការប្រកាសចេញនៅលើទីផ្សារនាដើមឆ្នាំ 2027 ដែលនឹងមាន 4 ម៉ូដែល ដោយម៉ូដែល Pro នឹងមានទំហំតូចជាងម៉ូដែល Ultra ហើយនឹងគ្មានការដាក់មកជាមួយ stylus នោះទេ។ ស្មាតហ្វូននេះ នឹងមានអេក្រង់ទំហំ 6.47 អ៊ីង គាំទ្រដោយបច្ចេកវិទ្យាការពារសុវត្ថិភាពលើអេក្រង់ Privacy Display ដូចស្មាតហ្វូនម៉ូដែលមុន Galaxy S26 Ultra អញ្ចឹងដែរ។ ស្មាតហ្វូននេះ មានថ្មទំហំ 5,000mAh។
