នៅទីបំផុត ក្រុមហ៊ុន Honor បានប្រកាសចេញនូវស្មាតហ្វូនស៊េរីថ្មីរបស់ខ្លួនម៉ូដែល Honor 200 Series នៅក្នុងទីផ្សារប្រទេសចិនហើយ ដោយមាន 2 ម៉ូដែល រូមមានដូចជា Honor 200 និង Honor 200 Pro។

ស្មាតហ្វូនជំនាន់ថ្មី Honor 200 មានការបំពាក់នូវបន្ទះអេក្រង់ OLED ដែលមានគែមកោង និងទំហំ 6.7-អ៊ីង មានសមត្ថភាពអាចបង្ហាញចេញបានទំហំ 2664×1200px ល្បឿន គាំទ្រជាមួយនឹងល្បឿន 120Hz refresh rate ហើយនិងមានការភ្ជាប់នូវបច្ចេកវិទ្យា 3840Hz high-frequency PWM dimming។ អេក្រង់ថ្មីនេះ នឹងមានកម្រិតពន្លឺ 4000nits និងគាំទ្រនូវកម្រិតពណ៌ 1.07 ពាន់លានពណ៌។ បន្ថែមពីនេះ អេក្រង់នេះ ក៏ទ្រទ្រង់ជាមួយនូវបច្ចេកវិទ្យា Sleep-Assist Display Technology និងវិញ្ញាបនបត្រ Rheinland TÜV ពីប្រទេសអាល្លឺម៉ង់ផងដែរ។

ស្មាតហ្វូនជំនាន់ថ្មីនេះ គឺមានដំណើរការនៅលើបន្ទះឈីប Snapdragon 7 Gen 3 និងមានអមដំណើរជាមួយនឹងក្រាហ្វិកកាត Adreno 720 GPU។ នៅលើស្មាតហ្វូន Honor 200 នេះ ក៏មានការបំពាក់នូវប្រព័ន្ធត្រជាក់ Drive cooling system 2.0 ហើយនិងមានការភ្ជាន់នូវផ្ទៃត្រជាក់បន្ថែមទំហំធំដល់ទៅ 34696mm²។ ស្មាតហ្វូននេះ មាន 5 ជម្រើស រួមមានដូចជា 8GB+256GB, 12GB+256GB, 16GB+256GB, 12GB+512GB និង 16GB+512GB។ ស្មាតហ្វូនថ្មីនេះ ត្រូវបានក្រុមហ៊ុនដាក់អោយដំណើរការនូវស្បែកមុខកម្មវិធី MagicOS 8.0 ផ្អែកនៅលើ  Android 14 ផងដែរ។

បន្ថែមពីនេះ នៅលើស្មាតហ្វូននេះ ក៏មានការតម្លើងមកជាមួយនូវមុខងារជាច្រើនទៀត ដែលគួរអោយចាប់អារម្មណ៍ផងដែរក្នុងនោះរួមមានដូចជា One-Click Blockbuster Video Creation, Gallery Semantic Search, Dynamic Capsule, Magic Lock Screen និង Intelligent Modes សម្រាប់ការងារ Multitasking ផងដែរ។ សម្រាប់កាមេរ៉ានៅលើស្មាតហ្វូនថ្មីនេះ គឺមានកាមេរ៉ាទំហំ 50MP ដែលជាប្រភេទ wide-angle គាំទ្រជាមួយនឹង f/1.95 aperture និងមានមុខងារ OIS ផងដែរ។ សម្រាប់គ្រាប់ទីពីរ គឺមានទំហំ 50MP telephoto ទ្រទ្រង់ជាមួយ f/2.4 aperture និងមានមុខងារ OIS ដូចគ្នា។ ចំពោះគ្រាប់ទីបីមានទំហំ 12MP ultra-wide-angle macro គាំទ្រជាមួយនឹង f/2.2 aperture។

សម្រាប់កាមេរ៉ាក្រោយរបស់ស្មាតហ្វូនថ្មីនេះ គឺមានការទ្រទ្រង់បាននូវ 4K video recording និងអាចហ៊្សូម 50x digital zoom ហើយក៏មានមុខងារ Shooting Modes ជាច្រើនទៀតដូចជា Night Mode, Portrait Mode និង AI Photography ផងដែរ។ បើក្រឡេកមើលទៅលើកាមេរ៉ាខាងមុខរបស់ស្មាតហ្វូនថ្មីនេះវិញ គឺមានទំហំ 50MP Wide-Angle Lens គាំទ្រជាមួយនឹង f/2.1 Aperture អាចផលិតវីដេអូបានកម្រិត 4K video recording ហើយនិងមានមុខងារ Shooting Modes ជាច្រើនដូចជា Portrait និង Night Mode ជាដើម។

ស្មាតហ្វូន Honor 200 ថ្មីនេះ មានថាមពលថ្មទំហំ 5200mAh និងមានការទ្រទ្រង់ជាមួយនឹងកម្លាំងសាក 100W Super Fast Charge។ សម្រាប់ការសាកថ្មនៅលើស្មាតហ្វូននេះរយៈពេល 15 នាទី គឺទទួលបាននូវថាមពល 57%។ នៅលើស្មាតហ្វូននេះ ក៏មាន AI Intelligent Charging Mode ផងដែរ។ បន្ថែមពីលើមុខងារទាំងនេះ នៅលើស្មាតហ្វូននេះ ក៏មានទ្រទ្រង់នូវ Dual SIM Cards ហើយនិងមានបច្ចេកវិទ្យា 5G និង 4G ទៀតផង។

ស្មាតហ្វូន Honor 200 នេះ មាន WLAN protocols 802.11 a/b/g/n/ac/ax, Bluetooth 5.3, infrared remote control និង NFC។ សម្រាប់ប្រព័ន្ធសុវត្ថិភាពវិញ នៅលើស្មាតហ្វូននេះមានប្រព័ន្ធស្កេនក្រយ៉ៅដៃនៅលើអេក្រង់ផងដែរ។ ស្មាតហ្វូននេះមានតម្លើងមកជាមួយនូវ stereo speakers ដែលមានការទ្រទ្រង់ជាមួយនឹង Histen 7.1 audio effects ទៀតផង។ សម្រាប់ស្មាតហ្វូន Honor 200 វិញ គឺមានវិមាត្រ 161.5 mm x 74.6 mm កម្រាស់ 7.7 mm និងទម្ងន់ 187g។

ស្មាតហ្វូន Honor 200 មានពណ៌ Moonlight White, Coral Pink, Velvet Black និង Sea Blue។ ស្មាតហ្វូននេះ មានតម្លៃចាប់ពី 2699 យ៉ន់ ($372) សម្រាប់ទំហំ 12GB+256GB និងតម្លៃ 2999 យ៉ន់ ($414) សម្រាប់ទំហំ 12GB+512GB ហើយហើយនិងទំហំ 16GB+256GB។ សម្រាប់ទំហំ 16GB+512GB គឺមានតម្លៃ 3199 យ៉ន់ ($442) ។ ស្មាតហ្វូននេះនឹងលក់ជាផ្លូវការ នៅថ្ងៃទី 31 ខែឧសភា ឆ្នាំ 2024 នេះ។ ស្មាតហ្វូននេះ អាចរកទិញបាននៅលើ platforms ជាច្រើនដូចជា Honor Mall, e-commerce platforms, Honor Experience Stores និងហាងចែកចាយផ្លូវការជាច្រើនទៀតនៅក្នុងប្រទេសចិន៕