កាលពីខែមិថុនាកន្លងទៅនេះ ក្រុមហ៊ុន Honor បានប្រកាសចញនូវស្មាតហ្វូន Honor 400 និង 400 Pro របសៈខ្លួននៅលើទីផ្សារប្រទេសចិន ហើយស្មាតហ្វូននេះ ត្រូវបានគេមើលឃើញថា មានការប្រើប្រាស់ជាមួយនិងបន្ទះឈីប Snapdragon 7 Gen 4 និង Snapdragon 8 Gen 3។ យោងតាមសេចក្តីរាយការណ៌ថ្មីនៅថ្ងៃនេះ បានអោយដឹងថា ក្រុមហ៊ុននេះ បាននឹងកំពុងតែធ្វើការនៅលើស្មាតហ្វូន Honor 500 និង 500 Pro ថែមទៀតហើយ ដោយម៉ូដែលថ្មីនេះ អាចនឹងមានវត្តមាននៅលើទីផ្សារនាខែវិច្ឆិកា ឬខែធ្នូខាងមុខ។

បើតាមពាក្យចចាមអារ៉ាមមុននេះ ក៏ធ្លាប់បានទម្លាយព័ត៌មានជាច្រើនទាក់ទងជាមួយនិងស្មាតហ្វួនស៊េរីថ្មីនេះដែរ។ នៅថ្ងៃនេះ ផ្អែលតាមការបង្ហោះនៅលើបណ្តាញ Weibo ដោយអ្នកទម្លាយ Digital Chat Station គឺមានការចែកចាយនូវព័ត៌មានថ្មីមួយចំនួនរបស់ Honor 500 Pro ថែមទៀតហើយ។ យោងតាម DCS នៅថ្ងៃនេះ បានបង្ហាញថា ស្មាតហ្វូនជំនាន់ថ្មី Honor 500 Pro នឹងមានកាមេរ៉ាគោលទំហំ 200MP គាំទ្រដោយសិនស័រ 1/1.4 អ៊ីង។ ការដាក់បញ្ចូននូវកាមេរ៉ាទំហំធំ 200MP នេះ ត្រូវបានគេបញ្ជាក់ថា Honor បាននឹងកំពុងតែធ្វើអោយកាមេរ៉ាស្មាតហ្វូន ថ្នាក់កណ្តាលរបស់ខ្លួនមានសមត្ថភាពខ្ពស់ដូចជាម៉ូដែលប្រណិតមួយចំនួនអញ្ចឹង។

ខណៈដែលកាមេរ៉ា ultra-wide នៅមិនទាន់មានការបញ្ជាក់ច្បាស់នោះ នៅពេលនេះ ក៏មានការទម្លាយថា ក្រុមហ៊ុននេះ បានសម្រេចប្រើប្រាស់នូវសិនស័រ OmniVision OV64B ទំហំ 64MP Periscope telephoto lens ជាមួយនិងមុខងារហ៊្សូម 3x optical zoom។

អ្នកទម្លាយរូបនេះ ថែមទាំងបញ្ជាក់ទៀតថា ស្មាតហ្វូនជំនាន់ថ្មីនេះ នឹងមានការបំពាក់នូវបន្ទះឈីបជំនាន់ថ្មី Qualcomm Snapdragon 8 Elite ដែលនឹងជួយអោយស្មាតហ្វូនជំនាន់ថ្មីនេះកាន់តែមានសមត្ថភាពដូចស្មាតហ្វូនប្រណិតៗជាច្រើនទៀតអញ្ចឹង។ ស្មាតហ្វូន Honor 500 និង 500 Pro ត្រូវបានគេនិយាយថា មានអេក្រង់ 6.5 អ៊ីង មានសមត្ថភាពអាចបង្ហាញចេញបាន 1.5K resolution។ បន្ថែមពីនេះ Honor 500 Pro ក៏ត្រូវបានគេនិយាយថា នឹងមានថ្មធំជាងជំនាន់មុន Honor 400 Pro ដែលប្រើប្រាស់ថ្ម 7,200mAh ផងដែរ។