ក្រុមហ៊ុន Honor  បានធ្វើការប្រកាសចេញស្មាតហ្វូនអេក្រង់បែប Clamshell ឬ Flip ដំបូងរបស់ខ្លួនជាផ្លូវការណ៍ដោយមានឈ្មោះថា Honor Magic V Flip។ ស្មាតហ្វូនអេក្រង់បត់ Clamshell ស៊េរីថ្មីនេះ បំពាក់មកជាមួយអេក្រង់ខាងក្រៅ ឬ Cover-Display ទំហំធំដល់ 4-inch ជាប្រភេទ LTPO-OLED Display។ អេក្រង់ខាងក្រៅរបស់ Honor Magic V Flip គាំទ្រកម្រិតបង្ហាញខ្ពស់ដល់ 1,092x1,200px នៅលើខ្នាត 16:9 aspect ratio ជាមួយកម្រិតភាពម៉ដ្ឋ 405ppi ល្បឿន 120Hz Adaptive refresh rate  ជាមួយកម្រិតពន្លឺខ្ពស់បំផុតដល់ 1,600nits និងកម្រិត 2,160Hz high-frequency PWM dimming។

បន្ថែមពីនេះ វាក៏គាំទ្រមុខងារបង្ហាញលើអេក្រង់ Always-on-display និងអាចដំណើរការកម្មវិធីបានពេញលិញដូចអេក្រង់ខាងក្នុងផងដែរ។ ចំនែកអេក្រង់ខាងក្នុងវិញ គឺមានទំហំ 6.8-inch នៅពេលពន្លាចេញ និងជាប្រភេទបន្ទះបង្ហាញ LTPO-OLED Display គាំទ្រកម្រិតបង្ហាញ Full-HD+ នៅលើខ្នាត 21:9 aspect ratio។ បន្ទះអេក្រង់បត់ខាងក្នុងគាំទ្រកម្រិតពន្លឺខ្ពស់បំផុតដល់ 3,000nits និងមានល្បឿន refresh rate 120Hz។ បន្ថែមពីនេះបន្ទះអេក្រង់របស់ Magic V Flip ក៏គាំទ្របច្ចេកវិទ្យាទឹកពណ៌កម្រិត 92% BT.2020 color space និង Dolby Vision ថែមទៀតផង។

Honor Magic V Flip មានកម្រាស់ 14.89mm នៅពេលបត់ និង 7.5mm នៅពេលពន្លា។ ស្មាតហ្វូននេះប្រើប្រាស់ត្រចៀកបត់ hinge mechanism ដែលអភិវឌ្ឍន៍ផលិតដោយក្រុមហ៊ុន Honor ផ្ទាល់តែម្តងជាមួយគ្រោងផលិតពីសារធាតុ steel foil ដែលមានទំងន់ស្រាល និងមានស៊ុមជាអាលុយមីញ៉ូម។ សម្រាប់ម៉ាស៊ីនរបស់ Honor Magic V Flip ត្រូវបានដាក់ឲ្យដំណើរការនៅលើបន្ទះឈីប Snapdragon 8+ Gen 1 ភ្ជាប់ដោយរ៉េមទំហំ 12GB ដល់ 16GB និងម៉េមូរីក្នុងម៉ាស៊ីនទំហំធំបំផុតចាប់ពីទំហំ 256GB ដល់ 1TB។ ជាងនេះទៅទៀត Honor ក៏បានស្រោបបន្ថែមនេះប្រព័ន្ធសារធាតុត្រជាក់ កម្រិត 0.25mm ultra-thin liquid-cooled VC plate ដែលមានទំហំផ្ទៃ 2,300mm ដើម្បីជួយកាត់បន្ថយកម្តៅរបស់ម៉ាស៊ីនថែមទៀតផង។

សម្រាប់ប្រព័ន្ធកាមេរ៉ាថតរូប និងវីដេអូនៅលើ Honor Magic V Flip គឺមានទំហំ 50MP ខ្នាត 1/1.56” មាន aperture f/1.9 ជាសែនស័រ SONY IMX906 ភ្ជាប់ជាមួយ OIS ជា Main Sensor និង 12MP ជា Ultra-wide Sensor ហើយក៏ដើរតួរជា Macro Sensor ផងដែរ។ ចំនែកកាមេរ៉ាមុខវិញ មានទំហំ 50MP ជា IMX816 Sensor។ ស្មាតហ្វូន Clamshell ថ្មីនេះ ដំណើរការនៅលើប្រតិបត្តិការ MagicOS 8.0 គាំទ្រដោយ Android 14 ចេញពីប្រអប់ និងមានថ្មទំហំ4,800mAh គាំទ្របច្ចេកវិទ្យាសាកភ្លើងល្បឿនលឿន 66W Wired Fast Charging។

Honor Magic V Flip មានជម្រើសបីពណ៌ គឺខ្មៅ ហៅថា Iris Black, ពណ៌សហៅថា Camellia White, និងផ្កាឈូកហៅថា Champagne Pink ហើយក៏មានជម្រើសម៉ូដែលពិសេសមួយបន្ថែមទៀតហៅថា Jimmy Choo Version  ដែលស្រោបដោយពណ៌បៃតង green glitter រំលេចជាមួយគ្រាប់គ្រីស្តាល់តូចៗភ្លឺផ្លេក។ ចំពោះតម្លៃវិញ Honor Magic V Flip ដែលមានទំហំ 12GB RAM+256GB Storage មានតម្លៃខ្ទង់ប្រហែល $690 និងម៉ូដែល 16GB+1TB មានតម្លៃខ្ទង់ $827 នៅទីផ្សារប្រទេសចិន។ យ៉ាងណាមិញសម្រាប់តម្លៃ និងការនាំចេញទៅកាន់ទីផ្សារសកលរបស់ Honor Magic V Flip ក្រុមហ៊ុនមិនទាន់បានបញ្ជាក់នៅឡើយទេ៕