នៅពេលនេះ ក្រុមហ៊ុន Huawei បានប្រកាសចេញជាផ្លូវការណ៌នូវស្មាតហ្វូន Mate 80 Series របស់ខ្លួននៅក្នុងប្រទេសចិន ហើយ ដែលនេះស្មាតហ្វូនលំដាប់កំពូលខ្ពស់ជាងគេនៃត្រកូលនេះគឺម៉ុដែល Mate 80 Pro Max។ នេះគឺជាស្មាតហ្វូនដែលមានសមត្ថភាពខ្លាំងក្លា ហើយនិងធន់បំផុតនៅក្នុងត្រកូលស្មាតហ្វូន Mate របស់ក្រុមហ៊ុន Huawei ដោយមានតួខ្លួនធ្វើពីលោហ:ធាតុ និងមានការប្រើប្រាស់នូវអេក្រង់ Dual-Layer OLED Display និងប្រព័ន្ធទំនាក់ទំនង Satellite connectivity ទៀតផង។

ទៅលើលក្ខណៈពិសេសរបស់ស្មាតហ្វូនជំនាន់ថ្មី Huawei Mate 80 Pro Max មានតួខ្លួនធ្វើពីលោហធាតុជាមួយនឹងកញ្ចក់អេក្រង់ Kunlun ជំនាន់ទី 2 របស់ក្រុមហ៊ុន Huawei។ ក្រុមហ៊ុន បានអះអាងថា អេក្រង់នេះ ធន់នឹងការធ្លាក់ដែលមានការបង្កើនច្រើនជាងមុន 20 ដង ការពង្រឹងទៅលើភាពធន់នៃការបត់ដល់ទៅ 20%។ នៅលើស្មាតហ្វូននេះ ក៏មានការបំពាក់នូវ IP69 និង IP68 សម្រាប់ការពារទឹក និងធូលីផងដែរ។

អ្វីដែលពិសេសទៀតនោះ ស្មាតហ្វូន Mate 80 Pro Max នេះ គឺជាស្មាតហ្វូនដំបូងបំផុតនៅក្នុងឧស្សាហកម្មនេះដែលមានអេក្រង់ Dual-layer OLED មានកម្រិតអេក្រង់ពន្លឺដល់ទៅ 8000 nits និងមាន Dual-Layer Structure ដែលផ្តល់ជូននូវការទស្សនាកាន់តែអស្ចារ្យគ្មានគូប្រៀប។ អេក្រង់នេះ មានទំហំ 6.9 អ៊ីង និងកម្រិតល្បឿនអេក្រង់ 120Hz refresh rate គាំទ្រនូវពណ៌ 10-bit color gamut និងបច្ចេកវិទ្យា 1440Hz high-frequency PWM dimming និងកម្រិតឆ្លើយបត 300 Hz touch sampling rate ។

ស្មាតហ្វូន Mate 80 Pro Max នេះ ក៏មានការបំពាក់នូវ 3D ToF ដែលមានការបញ្ចូលគ្នានូវ Depth-Sensing Sender, Depth-Sensing Receiver ហើយនិងកាមេរ៉ាខាងមុខទំហំ 13MP ដែលក្រុមហ៊ុន Huawei និយាយថា នៅលើកាមេរ៉ានេះ ក៏មានការឌីស្សាញជាមួយនឹងបច្ចេកវិទ្យា AI ផងដែរ។ កាមេរ៉ានេះ អាចធ្វើការសម្គាល់ផ្ទៃមុខបានច្បាស់ជាងមុន និងតាមដានចលនារបស់អ្នកប្រើប្រាស់បានកាន់តែជាក់លាក់ថែមទៀត។

បើនិយាយអំពីកម្លាំងម៉ាស៊ីនវិញនោះ ស្មាតហ្វូន Mate 80 Pro Max នេះ បំពាក់នូវបន្ទះឈីប Kirin 9030 Pro ភ្ជាប់ជាមួយនឹង  Huawei Ark Graphics Engine។ ក្រុមហ៊ុន Huawei បាននិយាយថា ស្មាតហ្វូន Mate 80 Pro Max មានល្បឿនលឿនជាងស្មាតហ្វូន Mate 70 series ដល់ទៅ 45% និងការបើក Apps លឿនជាងមុនដល់ទៅ 34% ផងដែរ។ នៅលើស្មាតហ្វូននេះ ក៏ទ្រទ្រង់ទៅលើ 3DGS rendering acceleration និង hardware-accelerated ray tracing ដែលមានល្បឿន  20 លានដង ដែលពង្រឹងទៅលើការលេងហ្គេម រេនឌ័រវីដេអូ និង motion graphics បានយ៉ាងរលូន។

ក្រុមហ៊ុន Huawei បាននិយាយទៀតថា នៅលើស្មាតហ្វូន Mate 80 Pro Max នេះ មានការទ្រទ្រង់នូវបច្ចេកវិទ្យា Wi-Fi 7 Plus, Standard Cellular Networks, Tiantong Satellite Communication និង Beidou Satellite Messaging ហើយវាក៏ទ្រទ្រង់នូវ 700MHz emergency communications នៅក្នុងស្ថានភាពពេលដែលមិនមានសេវា។

និយាយពីប្រព័ន្ធកាមេរ៉ាស្មាតហ្វូនជំនាន់ថ្មី Mate 80 Pro Max នេះ គឺមានបំពាក់នូវប្រព័ន្ធ Maple Leaf Imaging System ជំនាន់ទី 2 របស់ក្រុមហ៊ុន Huawei ហើយមានការឌីស្សាញជាថ្មីទៅលើ Primary Imaging Sensor ដែលមាន 2.45μm Equivalent Pixels និងការបង្កើនទៅលើការចាប់ពន្លឺដល់ទៅ 96% ផងដែរ។ ស្មាតហ្វូននេះ ក៏មាន Dynamic range ខ្ពស់ជាងមុនដល់ទៅ 300% សម្រាប់បង្កើនទៅលើពណ៌កាន់តែច្បាស់។

សម្រាប់កាមេរ៉ាខាងក្រោយរបស់ស្មាតហ្វូននេះ គឺមានកាមេរ៉ាគោលទំហំ  50MP, 1/1.28-អ៊ីង RYYB ជាមួយនឹងល្បឿន 10-stop variable aperture ដែលអាចធ្វើការផ្លាស់ប្តូរចន្លោះ f/1.4 និង  f/4.0 បានយ៉ាងរលូន។ នៅក្នុងនោះ ក៏មានកាមេរ៉ា  40MP RYYB ultrawide, 50MP macro telephoto គាំទ្រជាមួយនឹង 4× Optical zoom និង 50MP periscope ជាមួយនឹង 6.2× optical zoom និង 12.4× “optical quality” zoom ។ស្មាតហ្វូននេះក៏ទ្រទ្រង់នូវមុខងារ 3.3× teleconverter តាមរយៈ  add-on accessory kit ថែមទៀតផង។

ស្មាតហ្វូន Huawei Mate 80 Pro Max នេះចាប់ផ្តើមពីតម្លៃ 7,999 yuan ($1,100) សម្រាប់ទំហំ 16GB + 512GB ខណៈពេលដែលទំហំ  16GB + 1TB មានតម្លៃ 8,999 yuan ($1,240) ។ ស្មាតហ្វូន Mate 80 RS | Ultimate Design នេះមានរ៉េមទំហំ 20GB | 512GB ឬ 1TB ដែលមានតម្លៃ  11,999 yuan ($1,650) និង  12,999 yuan ($1,790) ។ ស្មាតហ្វូនទាំងពីរនេះនឹងលក់ចាប់ពីថ្ងៃទី 28 ខែវិច្ឆិកាខាងមុខនេះ៕