មានពាក្យចចាមអារ៉ាមជាច្រើន បាននិយាយថា ក្រុមហ៊ុន Huawei នឹងមានការរៀបចំនូវព្រឹត្តិការណ៍សន្និសីទមួយនៅក្នុងខែមីនានេះ ដើម្បីប្រកាសចេញនូវស្មាតហ្វូន Huawei P70 series ដែលម៉ូដែលប្រណិតរបស់ខ្លួន។ សម្រាប់ចំនុចពិសេសដែលមើលឃើញថា មានការប្រែប្រួលនៅលើស្មាតហ្វូនថ្មីនេះ គឺការប្រើប្រាស់នូវបន្ទះឈីប Kirin 990 5G ដែលធ្លាប់ប្រើប្រាស់នៅលើស្មាតហ្វូន Huawei P40 Series ដែលចេញលក់កាលពីមុនអញ្ចឹងដែរ។

យោងតាមរបាយការណ៍ជាច្រើនដែលចេញពីអ្នកទម្លាយ @Digital Chat Station ក៏មានការបង្ហាញអំពីមុខងារដែលមាននៅលើស្មាតហ្វូន Huawei P70 series ផងដែរ។ នៅក្នុងការបែកធ្លាយថ្មីៗបានទម្លាយថា ស្មាតហ្វូនថ្មីនេះ នឹងមានបន្ទះឈីប K9 5G processor (Kirin 9XXX) ដែលនឹងបំពាក់នូវបច្ចេកវិទ្យាចុងក្រោយបំផុតជាច្រើន។ ស្មាតហ្វូននេះ ក៏អាចនឹងមានការបញ្ចេញនូវបន្ទះឈីបដែលមានកម្រិតហ្វ្រេកង់ផ្សេងទៀត រវាងស្មាតហ្វូនប្រភេទ standard និង Pro version នៃត្រកូលស្មាតហ្វូន Huawei P70 series ផងដែរ។

ដោយផ្អែកទៅលើភាពច្នៃប្រឌិតរបស់ក្រុមហ៊ុន Huawei នោះ ស្មាតហ្វូន P70 series នេះ គឺដើរតាមគន្លងរបស់ស្មាតហ្វូន Huawei Mate 60 series ដែលបង្ហាញខ្លួនកាលពីឆ្នាំមុននេះដែលមានបន្ទះឈីប Kirin 9000S។ សម្រាប់ CPU នៅលើបន្ទះឈីបនេះ មាន 8 cores និង 12 threads។ សម្រាប់ក្រាហ្វិកកាត GPU គឺជាមានការគាំទ្រដោយ Maleoon 910។ ទន្ទឹមនឹងការវិលត្រឡប់របស់បន្ទះឈីប Kirin 5G នេះ គ្រប់ម៉ូដែលនៃស្មាតហ្វូន P70 series នេះ គឺនឹងបំពាក់នូវ high-density battery cells, wireless charging និងការបង្កើនទៅលើសតម្ថភាពនៃកាមេរ៉ាដែលមាន 50MP super outsole និង 4x periscope telephoto lens ថែមទៀតផង។

ស្មាតហ្វូន Huawei P70 series នេះ នឹងមានសិនស័រ 1 អ៊ីង Sony IMX 989 ជាមួយនឹង variable aperture។ សម្រាប់អេក្រង់នៅលើស្មាតហ្វូន Huawei P70 series នេះ នឹងមានអេក្រង់គែមកោងបន្តិច 1.5K និងអេក្រង់ដល់ទៅ 6.7 អ៊ីង។ បន្ថែមពីនេះ ស្មាតហ្វូននេះក៏មាន stereo dual speakers ដែលផ្តល់នូវសំឡេងច្បាស់ពិរោះក្នុងការប្រើប្រាស់ថែមទៀតផង៕