ថ្មីៗនេះ ក្រុមហ៊ុន Insta360 ទើបតែប្រកាសជាផ្លូវការនូវកាមេរ៉ា Handheld gimbal ថ្មីរបស់ខ្លួន ដែលមានឈ្មោះហៅថា Luna Ultra។ ជាមួយនិងកិច្ចសហការជាមួយនឹងក្រុមហ៊ុន Leica ដែលជំនាញផលិតកាមេរ៉ាសម្រាប់ Vlogging នោះ នៅពេលនេះ ក្រុមហ៊ុន Insta360 បានបញ្ចេញនូវកាមេរ៉ាថ្មី ដែលមានការឌីស្សាញមកជាមួយនូវកាមេរ៉ាភ្លោះ ស្រដៀងគ្នាទៅនឹងកាមេរ៉ា Osmo Pocket 4P របស់ក្រុមហ៊ុន DJI អញ្ចឹង។ កាមេរ៉ាថ្មីនេះ បំពាក់នូវសិនស័រ 1 អ៊ីង និងមានកម្រិត f/1.8 Aperture និង 20mm equivalent focal length។ នៅលើស្មាតហ្វូននេះ ក៏មានកាមេរ៉ា Telephoto ជាមួយនឹង f/2.0 Aperture និង 60mm Equivalent Focal Length ជាមួយនឹង 3x Optical Zoom, 6x Lossless Zoom និង 12x Digital zoom។

លក្ខណៈពិសេសមួយរបស់កាមេរ៉ា Luna Ultra នេះ គឺបំពាក់នូវអេក្រង់ 2 អ៊ីង Touchscreen Display ដែលអាចដោះចេញបាន។ អេក្រង់នេះអាចប្រើប្រាស់ជា Remote Monitor និង Controller ដែលអនុញ្ញាតអោយអ្នកប្រើប្រាស់អាចថតពីចម្ងាយដល់ទៅ 20 ម៉ែត្រនៅក្នុងកម្រិត HD Resolution។ ទៅលើសមត្ថភាពប្រើប្រាស់ គឺអាចធ្វើការផ្លាស់ប្តូររវាង Portrait និង Landscape បានយ៉ាងទំនើប។ សម្រាប់កាមេរ៉ា Pocket Gimbal នេះ គឺមានថាមពលថ្មទំហំ 1,550mAh ដែលអាចប្រើប្រាស់បានដល់ទៅ 4 ម៉ោង និងទ្រទ្រង់នូវការសាកថ្មលឿន Fast Charging។ កាមេរ៉ា Luna Ultra នេះបំពាក់នូវ 3-Axis Mechanical Stabilization ដែលមានមុខងារ Deep Track 5.0 យ៉ាងទំនើបថែមទៀតផង។

ក្រុមហ៊ុន Insta360 បានបញ្ជាក់ថា កាមេរ៉ា Luna Ultra នេះ អាចថតនៅក្នុងកម្រិតភាពច្បាស់ដល់ទៅ 8K resolution 30fps, 4K footage 120fps និង slow-motion videos 240fps 4K ហើយនឹងអាចថតរូបភាពកម្រិត 37MP នៅក្នុង UltraPhoto mode និង 200MP resolution panorama ផងដែរ។ Luna Ultra នេះ ទ្រទ្រង់នូវ 10-bit video recording និង Dolby Vision & I-log ផងដែរ។ កាមេរ៉ានេះ មានម៉េមូរីទំហំ 47GB និងអាចបន្ថែម microSD ដល់ទៅ 1TB ។ បន្ថែមពីនេះវាក៏មាន 4-microphone Array ។

កាមេរ៉ា Insta360 Luna Ultra នេះមានពណ៌ Cosmic Black និង Stellar White ហើយវាមានទម្ងន់ 235g ។ សម្រាប់ការតភ្ជាប់នៅលើកាមេរ៉ានេះ មានដូចជា USB Type-C port, Wi-Fi 6 នៅលើ Camera គោល និង Wi-Fi 4 នៅលើអេក្រង់ដែលអាចផ្តាច់បាននេះ។ កាមេរ៉ានេះដាក់លក់លើទីផ្សារសកល តម្លៃ $769.99 ហើយពេលនេះមានលក់នៅលើវេបសាយរបស់ Insta360, Amazon និងហាងលក់ផ្លូវការជាច្រើនទៀត៕