ថ្មីៗនេះ ក្រុមហ៊ុន Motorola ទើបតែបញ្ចេញនូវស្មាតហ្វូនជំនាន់ថ្មី Razr 60 Ultra និងស្មាតហ្វូន Edge 60 Pro ហើយនៅពេលនេះ អ្នកលក់រាយនៅក្នុងប្រទេសបែលហ្សិក MediaMarkt ក៏បានបង្ហាញនូវស្មាតហ្វូនទាំងពីរនេះ ជាមួយនឹងលក្ខណៈសម្បត្តិ តម្លៃ និងពណ៌របស់ស្មាតហ្វូននេះថែមទៀតហើយ នៅមុនការប្រកាសជាផ្លូវការណ៌ចូលមកដល់។ ស្មាតហ្វូនជំនាន់ថ្មីនេះ នឹងមានតម្លៃ €1299 និង €599។ សម្រាប់ស្មាតហ្វូន Razr 60 Ultra ថ្មីនេះ គឺប្រើប្រាស់នូវបន្ទះឈីប Snapdragon 8 Elite អមជាមួយនឹងរ៉េមទំហំ 16GB និងអង្គចងចាំទំហំ 512GB។

ស្មាតហ្វូនថ្មីនេះ មានអេក្រង់ទំហំ 7-អ៊ីងគាំទ្រដោយអេក្រង់ LTPO AMOLED display ហើយនិងមានភ្ជាប់ជាមួយនឹងកម្រិត ល្បឿន 165Hz refresh rate ហើយនិងអេក្រង់ខាងក្រៅទំហំ 4-អ៊ីង AMOLED cover។ ស្មាតហ្វូនជំនាន់ថ្មីនេះ ដំណើរការនូវប្រព័ន្ធប្រតិបត្តិការ Android 15 ដែលអាចអាប់ដេត OS បានដល់ទៅ 3 ឆ្នាំ និងអាប់ដេតសុវត្ថិភាពដល់ទៅ 4 ឆ្នាំ។ សម្រាប់កាមេរ៉ារបស់ស្មាតហ្វូននេះ គឺមានសិនស័រទំហំ 50MP ចំនួនពីរគ្រាប់ ខណៈដែលនិងកាមេរ៉ាខាងមុខទំហំ 50MP selfie។

ស្មាតហ្វូននេះប្រើប្រាស់នូវថាមពលថ្មទំហំ 4,500mAh និងមានបច្ចេកវិទ្យាសាកកម្លាំង 68W fast charging។ ស្មាតហ្វូននេះ មានទម្ងន់ 199g និងវិមាត្រ 74x171.5x7.19mm។ សម្រាប់ពណ៌នៅលើស្មាតហ្វូននេះ គឺមានដូចជា Scarab, Mountain Trail, Rio Red, Pink និង  Cabaret។ ស្មាតហ្វូននេះ មានតម្លៃ  €1299 បើធៀបជាមួយនឹងស្មាតហ្វូន Razr 50 Ultra គឺមានតម្លៃ  €1199 ។

សម្រាប់ស្មាតហ្វូន Edge 60 Pro នេះវិញ គឺមានអេក្រង់ទំហំ 6.67-អ៊ីងគាំទ្រអេក្រង់ pOLED display រត់ជាមួយនឹងល្បឿន 144Hz refresh rate ដំណើរការនៅលើបន្ទះឈីប Snapdragon 8 Gen 2 រ៉េមទំហំ 12GB និងម៉េមូរីទំហំ 512GB។ ស្មាតហ្វូននេះមានកាមេរ៉ាគោលទំហំ 50MP, 50MP ultra-wide និងមួយគ្រាប់ទៀតទំហំ 10MP ហ៊្សូម 3x telephoto រួមជាមួយនឹងកាមេរ៉ាខាងមុខទំហំ 60MP។ ស្មាតហ្វូននេះ មានថាមពលថ្មទំហំ 6,000mAh គាំទ្រជាមួយនឹងកម្លាំងសាក 90W fast charging ។ ស្មាតហ្វូននេះ មានពណ៌ Dazzling Blue និង Shadow និងតម្លៃ €599។ ស្មាតហ្វូន Razr 60 Ultra និង Edge 60 Pro ក៏ផ្តល់នូវការធានាដល់ទៅ 2 ឆ្នាំផងដែរ៕