OPPO ត្រូវបានគេរាយការណ៌ថា បាននឹងកំពុងតែធ្វើការនៅលើស្មាតហ្វូនជំនាន់ថ្មីម៉ូដែល Find X9 Series ដែលជាម៉ូដែលប្រណិតរបស់ខ្លួនសម្រាប់ដាក់លក់នៅលើទីផ្សារប្រទេសចិនហើយ ដោយស្មាតហ្វូនថ្មីនេះ នឹងមាន 4 ម៉ូដែល រូមមានដូចជា Find X9, Find X9 Plus, Find X9 Pro និង Find X9 Ultra។ សូមជំរាបថា កាលពីឆ្នាំមុននេះ ក្រុមហ៊ុននេះ បានបង្ហាញចេញនូវស្មាតហ្វូនជំនាន់ថ្មី Find X8 Series នៅក្នុងខែតុលា ដូច្នេះសម្រាប់ម៉ូដែលថ្មីនេះ ត្រូវបានគេរំពឹងថា នឹងមានការប្រកាសចេញនៅក្នុងរយៈពេលដូចគ្នាជាមួយនិងម៉ូដែលមុនអញ្ចឹងដែរ។

យោងតាមការទម្លាយនៅថ្ងៃនេះ គឺមានការចែកចាយនូវព័ត៌មានថ្មីៗពីស្មាតហ្វូន OPPO Find X9 lineup ហើយដោយអ្នកទម្លាយ Smart Pikachu បានបញ្ជាក់ថា នៅលើស្មាតហ្វូនថ្មី នឹងមានការបំពាក់នូវកាមេរ៉ាគោលទំហំ 200-Megapixel ឬ periscope zoom camera។

គួរបញ្ជាក់ថា កាលពីខែកុម្ភៈកន្លងទៅនេះ អ្នកទម្លាយ Digital Chat Station ធ្លាប់បានទម្លាយថា OPPO អាចនឹងមានការប្រើប្រាស់នូវកាមេរ៉ា 200-Megapixel Periscope Telephoto Camera ដែលមានសិនស័រធំនៅលើស្មាតហ្វូន OPPO Find X9 Series។ នៅថ្ងៃនេះ Smart Pikachu បានបញ្ជាក់ថា Find X9 Series នឹងមានកាមេរ៉ាគោលទំហំ 200-Megapixel ឬ 200-Megapixel Periscope Telephoto។ លោកបានបន្ថែមថា សមាសភាគនៃការឌីស្សាញទៅលើកាមេរ៉ានេះ ត្រូវបានក្រុមហ៊ុនរៀបចំរួចហើយ។ សម្រាប់ស្មាតហ្វូនថ្មីនេះ នឹងមានការប្រកាសចេញនៅចុងឆ្នាំនេះហើយ។

សូមជំរាបថា នៅមុននេះ មានរបាយការណ៍ជាច្រើនធ្លាប់បាននិយាយាថា OPPO Find X9 series នឹងមានការឌីស្សាញេអេក្រង់រាបស្មើរ ដោយ Find X9 Pro ប្រហែលជាមានអេក្រង់ទំហំ 6.8-អ៊ីង OLED LTPO គាំទ្រដោយការបង្ហាញចេញបានកម្រិត 1.5K resolution ខណៈដែលម៉ូដែល Ultra ក៏ប្រហែលជានឹងមានអេក្រង់ទំហំដូចគ្នា ប៉ុន្តែគាំទ្រនូវការបង្ហាញចេញបានកម្រិតខ្ពស់ដល់ទៅ 2K+ resolution។ ស្មាតហ្វូនម៉ូដែល Ultra អាចនឹងប្រើប្រាស់នូវបន្ទះឈីប Snapdragon 8 Elite 2 ខណៈដែល X9, X9 Plus, and X9 Pro ប្រហែលជាប្រើឈីប Dimensity 9500 SoC។