កាលពីខែមុននេះ ក្រុមហ៊ុន realme បានប្រកាសចេញនូវស្មាតហ្វូនជំនាន់ថ្មីរបស់ខ្លូនម៉ុដែល 12 Pro នៅលើទីផ្សារប្រទេសឥណ្ឌា ដែលស្មាតហ្វូននេះ មានរ៉េមទំហំ 8GB និងមានអង្គចងចាំ 2 ទំហំ រួមមានដូចជា 128GB ឬ 256GB។ យោងតាមព័ត៌មាននៅថ្ងៃនេះ ស្មាតហ្វូនថ្មីនេះ គឺមានជម្រើសទំហំថ្មីបន្ថែមទៀតើហើយនោះគឺ រ៉េម 12GB និងអង្គចងចាំ 512GB ហើយស្មាតហ្វូនេនះ ក៏មានការដាក់អោយ pre-order នៅលើទីផ្សារប្រទេសចិនផងដែរ ដោយមានឈ្មោះថា "Supreme Edition" ហើយនិងមានដាក់លក់នៅខែក្រោយ។

សម្រាប់ការឌីស្សាញរូបរាងរបស់ realme 12 Pro ម៉ូដែលថ្មីនេះ គឺមានរូបរាងដូចគ្នាជាមួយនិងម៉ូដែល កំពុងដាក់លក់នៅលើទីផ្សារសកលអញ្ចឹងដែរ ដោយខុសគ្នាទៅលើ UI ប៉ុណ្ណោះ ពីព្រោះទីផ្សារប្រទេសចិន គឺមិនមានសេវាកម្ម Google services នោះទេ។ ស្មាតហ្វូននេះ មានអេក្រង់ទំហំ 6.7 អ៊ីង ប្រើប្រាស់នូវកញ្ចក់ OLED និងមានបន្ទះឈីប Snapdragon 6 Gen 1 ហើយនិងមានកាមេរ៉ាគោលទំហំ 50MP។

ក្រុមហ៊ុននេះ ក៏បានបន្តប្រកាសចេញនូវភាពជាដៃគូជាមួយនិង international luxury watch designer Ollivier Saveo ដដែល ដោយនឹងមានការប្រើប្រាស់ពណ៌ Gold និង Blue ដូចមុនអញ្ចឹងដែរ។ ស្មាតហ្វូនថ្មីនេះ មិនមានរន្ធបន្ថែម micro SD នោះទេ ពីព្រោះថា នេះគឺជា Supreme Edition។ ស្មាតហ្វូននេះ មានតម្លៃ CNY2,199  ដែលប្រហែលជា $305 និង €280 ធូរថ្លៃជាងម៉ូដែលទីផ្សារសកលដែលមានទំហំ 8GB/256GB មានតម្លៃ INR26,999 ($325/€300)។ ស្មាតហ្វូនម៉ូដែលពិសេសនេះ នឹងមានលក់ជាផ្លូវការនៅលើទីផ្សារប្រទេសចិននៅថ្ងៃទី 11 ខែមីនា។