នៅពេលនេះ realme បានសម្ពោធជាផ្លូវការនូវស្មាតហ្វូន GT Neo 6 នៅក្នុងប្រទេសចិន ដែលម៉ូដែលនេះ គឺជាស្មាតហ្វូនជំនាន់ថ្មីមួយទៀតបន្ទាប់ពីម៉ូដែល GT Neo 5 ដែលគេស្គាល់ថា គឺជាស្មាតហ្វូនថ្នាក់ “mid-range flagship,” ដែលមានសមត្ថភាពខ្ពស់ ប៉ុន្តែមានតម្លៃសមរម្យ នៅក្នុងប្រកួតប្រជែងនៅលើទីផ្សារ។

ស្មាតហ្វូន GT Neo6 បំពាក់នូវបន្ទះឈីប Snapdragon 8s Gen 3 ដែលជាឈីបជំនាន់ថ្មីរបស់ Qualcomm និងមានការតម្លើងនូវប្រព័ន្ធ VC cooling system កម្រិត 10,000-level ដែលផ្តល់អោយអ្នកប្រើប្រាស់អាចធ្វើការងារ និងងលេងហ្គេមបានយ៉ាងរលូន ដោយមិនចាំបាច់បារម្ភពីការឡើងកំដៅនោះទេ។ នៅលើស្មាតហ្វូននេះក៏នូវមានការបំពាក់នូវ Geek Performance Panel 2.0 ដែលអនុញាតអោយអ្នកប្រើប្រាស់ធ្វើការ customize CPU និងGPU frequencies ជាមួយនិងបច្ចេកវិទ្យា “AI Burning Mode” ដើម្បីជួយអោយស្មាតហ្វូនកុំអោយឆាប់ឡើងកំដៅ អោយត្រជាក់រហូតទៀតផង។

ស្មាតហ្វូនថ្មីនេះត្រូវបានក្រុមហ៊ុននេះឌីស្សាញឡើងដោយមានការផ្តោតខ្លាំងទៅលើការលេងហ្គេម។ បើតាមការបញ្ជាក់ពីក្រុមហ៊ុនបានអោយដឹងថា អេក្រង់ស្មាតហ្វូននេះ គឺអាចទ្រទ្រង់ជាមួយនិងកម្រិត 1.5K resolution ទៅលើការលេងហ្គេម “Genshin Impact” ហើយបន្ថែមពីនេះ ក៏ថែមទាំងផ្តល់នូវល្បឿនលឿនសម្រាប់ការលេងហ្គេម “Honor of Kings.” ទៀតផង។ ស្មាតហ្វូននេះមានរ៉េម 16GB of LPDDDR5X RAM និងអង្គចងចាំទំហំ 1TB of UFS 4.0 storage។

ជាមួយគ្នានេះក៏មានការបញ្ជាក់ថា អេក្រង់ស្មាតហ្វូននេះ គឺមានទំហំ 6.78-អ៊ីង ដែលមានការផ្គត់ផ្គង់ដោយក្រុមហ៊ុន BOE មានពន្លឺ peak brightness កម្រិតដល់ទៅ 6000nits ផងដែរ។ ក្រុមហ៊ុនបន្តថា អេក្រង់ 8T LTPO panel នេះ គឺមានការគាំទ្រនូវ variable refresh rate បានចាប់ពី 0.5 ដល់ 120Hz និងមានបច្ចេកវិទ្យា 2160Hz high-frequency PWM dimming រួមជាមួយនិង 3+1 Pulse DC-like low-stroboscopic technology សម្រាប់ការទស្សនាថែមទៀតផង។ នៅស្មាតហ្វូននេះ ក៏មានភ្ជាប់មកជាមួយនូវ Greenfield AI eye protection ដែលមុខងារដំបូងគេនៅក្នុងឧស្សាហកម្មនេះ ដើម្បីជួយការពារភ្នែក និងផ្តល់អោយការទស្សនាជាមួយបទពិសោធន៌កាន់តែសម្បូរបែបផងដែរ។

realme GT Neo 6 SE មានកាមេរ៉ានៅលើខាងក្រោយភ្លោះ ដែលកាមេរ៉ាគោលមានទំហំ 50MP Sony IMX882 sensor គាំទ្រមុខងារ optical image stabilization (OIS) និងគ្រាប់ទីពីរមានទំហំ 8MP ultra-wide-angle sensor (Sony IMX355) ខណៈដែលកាមេរ៉ាមុខមានទំហំ 32MP Sony IMX615។ GT Neo6 បំពាក់នូវបន្ទះឈីប Snapdragon 8s Gen 3 នឹងមានថ្មទំហំ 5500mAh គាំទ្រដោយកម្លាំងសាក 120W fast charging។ សម្រាប់ការសាក 50% ប្រើពេលត្រឹមតែ 10 នាទីប៉ុណ្ណោះ។

ស្មាតហ្វូននេះមានការការពារដោយកញ្ចក់ Corning Gorilla Glass Victus 2 for និងមានការបំពាក់នូវបច្ចេវកវិទ្យា IP65 ការពារទឹក និងធូលីទៀតផង។ នៅលើស្មាតហ្វូននេះមានការតម្លើងនូវអង់តែន “dual-frequency GPS + tri-frequency Beidou” ហើយក៏មានមុខងារ IR sensor,X-axis linear motor មុខងារ NFC ក៏ដូចជាបទពិសោធន៌ថ្មីៗជាច្រើនទៀតផង។

realme GT Neo6 មានពណ៌ Purple, Green និង Silver ហើយនិង មានតម្លៃដូចខាងក្រោម៖

12GB + 256GB: ¥2099

16GB + 256GB: ¥2399

16GB + 512GB: ¥2699

16GB + 1TB: ¥2999