ថ្មីៗនេះ ក្រុមហ៊ុន realme បានប្រកាសថា ស្មាតហ្វូនស៊េរីថ្មី Neo series នឹងក្លាយជាម៉ូដែល e-sports flagship ដែលជាស្មាតហ្វូនថ្នាក់កណ្តាលមានសមត្ថភាពខ្លាំងក្លាបំផុតនៅក្នុងការប្រើប្រាស់។ លោក Xu Qi ដែលជាអនុប្រធានរបស់ក្រុមហ៊ុន realme បានបញ្ជាក់ថា ការបញ្ចេញនូវស្មាតហ្វូននេះ គឺជាផ្នែកមួយនៃយុទ្ធសាស្រ្តក្នុងការសម្គាល់អំពីលក្ខណៈពិសេសនៃស្មាតហ្វូន Neo ចេញពីម៉ូដេលប្រណិតត្រកូល GT Series។យោងតាមការបញ្ជាក់នៅក្នុងព័ត៌មានចុងក្រោយបំផុតអំពីស្មាតហ្វូនr ealme Neo7 បានអោយដឹងថា នេគឺជាស្មាតហ្វូនលេងហ្គេមថ្នាក់កណ្តាលដែលមានអនុភាពខ្លាំងក្លាបំផុត។

ទាក់ទងជាមួយនិងស្មាតហ្វូននេះដែរ បើតាមការបញ្ជាក់ចេញពីអ្នកទម្លាយ Digital Chat Station នោះ បានអោយដឹងថា ស្មាត ហ្វូនថ្មីនេះ មានពិន្ទុខ្ពស់ដល់ទៅ 2.4 លាននៅលើ AnTutu។ វត្តមានរបស់ស្មាតហ្វូននេះ គឺជាការបោះជំហានដ៏ខ្លាំងក្លាបើធៀបជាមួយនឹងម៉ូដេលជំនាន់មុន realme GT Neo6 ដែលមានពិន្ទុត្រឹមតែ 1.5 លានប៉ុណ្ណោះ។ ក្រៅតែពីការបំពាក់មកជាមួយនឹងបន្ទះឈីប Dimensity 9300+ នៅលើស្មាតហ្វូននេះភ្ជាប់នូវថាមពលថ្មទំហំធំដល់ទៅ 7,000mAh ដែលបង្កើនទៅលើសមត្ថភាពរបស់វាកាន់តែខ្លាំងជាងមុនថែមទៀតផង។

គួរបញ្ជាក់ថា ក្រុមហ៊ុន realme បានបង្ហាញនូវស្មាតហ្វូន GT Neo6 នៅក្នុងខែឧសភាឆ្នាំនេះ ជាមួយនឹងបន្ទះឈីប Snapdragon 8s Gen 3, UFS 4.0 storage និងមានថាមពលថ្មទំហំ 5500mAh ដែលគំាទ្រដោយបច្ចេកវិទ្យាសាកថ្មលឿនដល់ទៅ 120W fast charging ផងដែរ។ សម្រាប់ស្មាតហ្វូន Neo7 ត្រូវបានគេទមា្លយថា នឹងមានទម្ងន់ស្រាលជាង និងស្តើងជាងក្នុងការប្រើប្រាស់៕