កាលពីថ្ងៃទី 04 ខែ សីហា ឆ្នាំ 2014 នៅទីក្រុង ប៊ែកឡាំង ក្នុងព្រឹត្តិការណ៍ IFA 2014 ដែលជាព្រឹត្តិការណ៍ពិព័ណ៌បច្ចេកវិទ្យាធំបំផុតក្នុងពិភព លោក Samsung Electronics Co., Ltd. ដែលជាក្រុមហ៊ុនអេឡិចត្រូនិចធំជាងគេបំផុតក្នុងភិភពលោក និងជាក្រុមហ៊ុនផលិតទូរទស្សន៍លេខ 1 ក្នុងពិភពលោករយ:ពេល 8 ឆ្នាំជាប់គ្នា ហើយក៏ជាក្រុមហ៊ុនលក់ផលិតផលទូរទស្សន៍លេខ1 ក្នុងព្រះរាជាណាចក្រកម្ពុជា បានបង្ហាញនូវអ្វីដែលធ្វើឱ្យពិភពលោកភ្ញាក់ផ្អើលជាមួយនឹងការពង្រីកត្រកូលផលិតផលទូរទស្សន៍កោង និងប្រព័ន្ធសម្លេង (Audio) ដែលផ្តល់នូវ "Total Curved Solution” សម្រាប់អតិថិជន។ ផលិតផលថ្មីៗទាំងនេះរួមមានទូរទស្សន៍កោង 17 ស៊េរីកម្រិតគុណភាព FHD, UHD និង LED ដែលមានទំហំចាប់ពី 48 អ៊ីង ដល់ 105 អ៊ីង ដែលជាបដិវត្តន៍ថ្មីរបស់ទូរទស្សន៍កោង UHD អេក្រង់ 105 អ៊ីង ដែលអាចពត់បាន និងភ្លឺច្បាស់ល្អ ដោយភ្ជាប់មកជាមួយប្រព័ន្ធសម្លេងថ្មី Curved Soundbar ក្នុងការពង្រឹងតួនាទីរបស់ក្រុមហ៊ុន Samsung ដែលជាអ្នកនាំមុខគេនៅក្នុងទីផ្សារទូរទស្សន៍កោងដ៏ពេញនិយមនេះ។
ដោយយោងតាមសម្តីរបស់លោក HyunSuk Kim អនុប្រធានប្រតិបត្តិលើផ្នែកនៃការបង្ហាញរូបភាពពាណិជ្ជកម្មរបស់ក្រុមហ៊ុន Samsung Electronics បានឱ្យដឹងថា "យើងជាអ្នកនាំមុខគេក្នុងសករាជថ្មីនៃទូរទស្សន៍កោង នៃការរចនាដ៏សាមញ្ញតែពោរពេញដោយឥទ្ធិពលយ៉ាងខ្លាំងក្នុងការបង្កើនបទពិសោធន៍ក្នុងការទស្សនា និងអារម្មណ៍។” លោកបានបន្ថែមទៀតថា “ព្រឹត្តិការណ៍ពិពរណ៌ IFA 2014 ជាពេលវេលាដ៏រំភើបរីករាយដើម្បីចែករំលែកនូវអានុភាពនៃពិភពទូរទស្សន៍កោង និងការបង្ហាញចំពោះបទពិសោធន៍នៃការទស្សនាទូរទស្សន៍សម្រាប់គ្រួសារ និងទីផ្សារទូរទស្សន៍ទាំងមូល"។ ក្នុងនោះ Samsung ក៏បានបង្ហាញទូទស្សន៍ដែលអាចពត់បាន និងដំបូងបំផុតក្នុងពិភពលោកសម្រាប់ទីផ្សារអឺរ៉ុប ដែលក្ខណៈពិសេសរបស់វាអាចឱ្យអ្នកទស្សនាមើលទូរទស្សន៍លើអេក្រង់កោងក៏បាន ឬអេក្រង់ស្មើក៏បានជាមួយកម្រិតរូបភាពច្បាស់ឥតខ្ចោះដូចធម្មជាតិពិតៗ។
ណែនាំអានុភាពនៃប្រព័ន្ធសម្លេងទូរទស្សន៍ថ្មី
ចំពោះការពង្រីកបន្ថែមលើទូរទស្សន៍កោង ក្រុមហ៊ុន Samsung បានប្រកាសដាក់ចេញនូវប្រព័ន្ធបំពងសម្លេង Curved SoundBar HW-H7500 និងHW-H7501 ដែលរចនារាងកោងយ៉ាងប្រណិត ជាមួយគុណភាពសម្លេងដែលប្រៀបដូចទៅនឹងសាលប្រគំតន្ត្រី ដែលផ្តល់ជូននូវប្រព័ន្ធសម្លេង 8.1ជាមួយអនុភាពសម្លេង Surround Sound រំពងគ្រហឹមយ៉ាងរណ្តំ។ ក្រុមហ៊ុន Samsung ក៏បានបង្ហាញ Wireless Audio Multiroom ឥតខ្សែថ្មីបំផុតរបស់ខ្លួនគឺ M3 ដែលជាឧបករណ៍បំពងសម្លេងមានមុខងារ 2 និងមានលក្ខណៈងាយស្រួលក្នុងការបញ្ជាដោយផ្ទាល់ពីឧបករណ៍ផ្សេងៗដូចជាទូរស័ព្ទជាដើម ដើម្បីទទួលបានប្រភពតន្ត្រីជាច្រើនរួមគ្នាទៅក្នុងប្រព័ន្ធគ្រប់គ្រងតែមួយ។
សិល្បៈរួមបញ្ចូល ដោយវិចិត្រករឌីជីថលដ៏ល្បីល្បាយជនជាតិបារាំង លោក Miguel Chevalier
ក្នុងព្រឹត្តិការណ៍ IFA 2014 ភ្ញៀវចូលរួមអាចអញ្ជើញទៅកាន់ស្តង់ Samsung ដើម្បីទទួលបានបទពិសោធន៍នៃទូរទស្សន៍កោងជាលក្ខណៈ សិល្បៈជាមួយ “The Origin of the Curve" ដែលជាការរៀបចំនូវសិល្បៈឌីជីថលក្នុងការរួមបញ្ចូលគំនូរទៅក្នងទូរទស្សន៍ដោយវិចិត្រករឌីជីថល Miguel Chevalier ក្នុងទិសដៅដូចអ្វីដែល Samsung ខិតខំធ្វើការរួមបញ្ចូលពិភពលោករួមគ្នារវាងបច្ចេកវិជ្ជា និងសិល្បៈ។
Samsung Electronics គឺជាក្រុមហ៊ុននាំមុខគេលើពិភពលោកផ្នែកបច្ចេកវិជ្ជា ដោយផ្ដល់លទ្ធភាពថ្មីៗជូនមនុស្សគ្រប់រូបគ្រប់ទីកន្លែង។ តាមរយៈការបង្កើតថ្មីនិងរបកគំហើញឥតឈប់ឈរ យើងកំពុងតែផ្លាស់ប្ដូរឲ្យកាន់តែប្រសើរឡើងនូវពិភពទូរទស្សន៍ ទូរស័ព្ទស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីនថតរូប ឧបករណ៍ផ្ទះបាយ ម៉ាស៊ីនថតចម្លង ប្រព័ន្ធ LTE ឧបករណ៍វេជ្ជសាស្ត្រ ឧបករណ៍ផ្សេងៗប្រើប្រព័ន្ធអគ្គិសនី និងដំណោះស្រាយផ្សេងៗប្រើប្រព័ន្ធ LED។ យើងមានបុគ្គលិកចំនូន 286.000 នាក់ នៅទូទាំង 80 ប្រទេស ដោយមានបរិមាណលក់ប្រចាំឆ្នាំចំនួន 216.7 ពាន់លានដុល្លាអាមេរិក។ ព័ត៌មានបន្ថែមសូមមើលគេហទំព័រ www.samsung.com ។
