យោងតាមរបាយការណ៌ថ្មីមួយ ដែលបានចេញផ្សាយម្សិលមិញនេះ បានសសេរថា ស្មាតហ្វូនអេក្រង់បត់បានជំនាន់ថ្មី vivo X Fold3 នឹងក្លាយជាសា្មតហ្វូនអេក្រង់បត់បានដំបូងគេបំផុត ដែលមានការប្រើប្រាស់នូវបន្ទះឈីប Snapdragon 8 Gen 3។ នៅថ្ងៃនេះលក្ខណៈសម្បត្តិរបស់ស្មាតហ្វូននេះមានការបញ្ជាក់ជាថ្មីហើយ ដោយម៉ូដែល X Fold3 Pro នឹងមានការបំពាក់នូវបន្ទះឈីបជំនាន់ថ្មីចុងក្រោយរបស់ Qualcomm ខណៈដែលម៉ូដែលស្តង់ដារ X Fold3 ដំណើរការនៅលើនៅបន្ទះឈីបដូចជំនាន់មុនដដែល។

ជាមួយគ្នានេះ ក៏មានការបញ្ជាក់ទៀតថា ស្មាតហ្វូនអេក្រង់បត់បានម៉ូដែល Pro ក៏ទទួលបាននូវការតម្លើងមកជាមួយនិងកាមេរ៉ាគោលដែលមានទំហំ 50MP និងគ្រាប់ទីពីរមានទំហំ 50MP ultrawide ហើយនិងគ្រាប់ទីបីមានទំហំ 64MP telephoto និងអាចប្រើប្រាស់ជា Periscope lens camera ថែមទៀតផង។ ចំពោះម៉ូដែលស្តង់ដារវិញ គឺនៅតែបន្តប្រឿប្រាស់នូវកាមេរ៉ាដដែល។ vivo X Fold3 នឹងមានការបំពាក់នូវកាមេរ៉ាក្រោយ 3 គ្រាប់ ដែលមានទំហំ 50MP ទាំងកាមេរ៉ាគោល កាមេរ៉ា ultrawide និង telephoto។ សម្រាប់គ្រាប់ទីបី អាចនឹងមានមុខងារហ៊្សូមបាន 2x optical zoom ស្របពេលដែលអ្នកទម្លាយនិយាយថា អាចនឹងហ៊្សូម digital zoom បាន 40x។

ស្មាតហ្វូនអេក្រងបត់បានថ្មីនេះ ត្រូវបានគេទម្លាយមុននេះថា នឹងមានការឌីស្សាញជាមួយនិងទម្ងន់ស្រាលជាងជំនាន់មុនៗ ហើយក៏មានកម្រ៉ាស់ស្តើងជាងជំនាន់មុនៗដែរ ដើម្បីផ្តល់អោយការប្រើប្រាស់មានភាពងាយស្រួល។ ស្មាតហ្វូនអេក្រង់បត់បានទាំងពីរនេះ ត្រូវបានគេនិយាយថា នឹងមានការប្រកាសចេញនៅលើទីផ្សារនាខែនេះហើយ ដោយនឹងមានការបង្ហាញវត្តមានជាមួយយនិងថេប្លេត vivo Pad 3 និង Pad 3 Pro ផងដែរ។ ទាក់ទងនឹងព័ត៌មាននេះ ក្រុមហ៊ុន vivo នៅមិនទាន់មានការបញ្ជាក់ពេលវេលានៃកាលបរិច្ឆេតច្បាស់លាស់នោះទេ។