កាលពីវិច្ឆិកាកន្លងទៅនេះ ក្រុមហ៊ុន vivo បានប្រកាសចេញនូវស្មាតហ្វូនជំនាន់ថ្មីរបស់ខ្លួនម៉ូដែល vivo X100 និងX100 Pro នៅលើទីផ្សារប្រទេស ដោយស្មាតហ្វូនទាំងពីរនេះ គឺមានការបំពាក់នូវបន្ទះឈីប Dimensity 9300 ថែមទៀតផង។

ខណៈដែលហ្វេនរបស់ក្រុមហ៊ុន vivo កំពុងរង់ចាំនូវការបង្ហាញវត្តមានជាផ្លូវការនូវស្មាតហ្វូន vivo X100 Pro+ ដែលមានការបំពាក់នូវបន្ទះឈីប Snapdragon 8 Gen 3 នោះ ក្រុមហ៊ុននេះ គឺមិនទាន់បានប្រកាសចេញនោះទេ។ មានរបាយការណ៌ជាច្រើន បាននិយាយថា ស្មាតហ្វូននេះ នឹងមានការប្តូរឈ្មោះទៅជា Vivo X100 Ultra ហើយអាចមានការប្រកាសចេញនៅក្នុងត្រីមាសទី 2 ខាងមុខនេះហើយ។

បើតាមការបញ្ជាក់នៅលើ Weibo របស់អគ្គនាយករងរបស់ក្រុមហ៊ុន vivo លោក Huang Tao បានអោយដឹងថា ក្រុមហ៊ុន vivo នឹងមានការប្រកាសចេញនូវស្មាតហ្វូនជំនាន់ថ្មីរបស់ខ្លួន ដែលមានការប្រើប្រាស់នូវប្រព័ន្ធផ្កាយរណប Satellite Communication នៅក្នុងពេលឆាប់ៗនេះហើយ។ មានការបញ្ជាល់ថា ការបង្ហាញវត្តមានរបស់ស្មាតហ្វូនជំនាន់ថ្មី  X100 Ultra នៅសល់ពេលមិនយូរទេ។

គួរបញ្ជាក់ថា ថ្មីៗនេះមានរបាយការណ៌ថា Vivo X100 Ultra អាចនឹងមានការបំពាក់នូវបន្ទះឈីប Snapdragon 8 Gen 3 ហើយនិងមានការគាំទ្រដោយប្រព័ន្ធផ្កាយរណប two-way satellite communication ទៀតផង។ ស្មាតហ្វូននេះ នឹងមានការប្រជែងជាមួយ Find X7 Ultra និង Xiaomi 14 Ultra ដែលសុទ្ធសឹងតែជាម៉ូដែលប្រើប្រាស់នូវបច្ចេកវិទ្យាផ្កាយរណបដូចគ្នា។

យោងតាមរបាយការណ៌ថ្មីៗនេះ បានបញ្ជាក់ទៀតថា ស្មាតហ្វូន vivo X100 Ultra នឹងមានកាមេរ៉ាគោលទំហំ 50-Megapixel LYT-900 សម្រាប់កាមេរ៉ាគោល ហើយកាមេរ៉ានេះ ក៏មានការគាំទ្រដោយមុខងារ Variable Aperture និង OIS ផងដែរ។ កាមេរ៉ានេះត្រូវបានបញ្ជាក់ថា ក៏នឹងមានអមដោយឡែន ultra-wide lens និង telephoto camera រួមជាមួយនិង periscope telephoto camera ផងដែរ។ បើមើលទៅលើការបញ្ជាក់ចុងក្រោយនេះ បាននិយាយថា ស្មាតហ្វូននេះ នឹងមានកាមេរ៉ាទំហំ 200-Megapixel resolution ដែលគាំទ្រនូវការហ៊្សូម 4.3x optical zoom និង 200x digital zoom ហើយនិងមានឡែន 100mm។

vivo X100 Ultra ត្រូវបានក្រុមហ៊ុននេះនិយាយថា បាននឹងកំពុងតែធ្វើការនៅលើស្មាតហ្វូន X100s series of smartphones។ របាយការណ៌ខាងលើបន្តថា X100s និង X100s Pro នឹងមានការប្រើប្រាស់នូវបន្ទះឈីប Dimensity 9300+ ហើយអាចនឹងមានវត្តមាននៅប្រទេសចិនក្នុងខែឧសភាខាងមុខនេះផងដែរ។