កាលពីប៉ុន្មានខែមុននេះ ស្មាតហ្វូន Xiaomi 14 Pro Titanium Special Edition ដែលជាម៉ូដែលពិសេសជាងនៅក្នុងត្រកូល Xiaomi 14 នោះត្រូវបានគេមើលឃើញថា បានប្រកាសចេញនៅលើទីផ្សារប្រទេសចិនរួចហើយ។ កំពូលស្មាតហ្វូននេះមាន គឺ តែមួយទំហំប៉ុណ្ណោះ គឺ 16GB+1TB ហើយនិងមានតម្លៃខ្ពស់ដល់ទៅ ¥6,499 ថែមទៀតផង។

នៅពេលនេះ យោងតាមការ បង្ហាញនៅក្នុងព្រឹត្តិការណ៌សម្ពោធ Xiaomi 14 Ultra Titanium Special Edition ក្រុមហ៊ុន Xiaomi បានប្រកាសចេញនូវ ស្មាតហ្វូននេះម្តងទៀត ជាមួយនិងការអាប់ដែតប្រព័ន្ធ satellite communication នៅលើស្មាតហ្វូននេះ។

Xiaomi 14 Pro Titanium Special Edition Satellite Communication គឺជាឈ្មោះថ្មីផ្លូវការរបស់ម៉ូដែលនេះ នឹងមានតម្លៃ ¥6,999 ដែលខ្ពស់ជាងម៉ូដែលធម្មតា ¥500។ ស្មាតហ្វូននេះ នឹងមានដាក់លក់នៅលើទីផ្សារ ប៉ុន្តែមិនមានចំនួនច្រើននោះទេ គឺមានចំនួបកំណត់មួយ។ ជាមួយនិងវត្តមានស្មាតហ្វូននេះ ត្រូវបានគេជឿជាក់ថា នឹងមានការចាប់អារម្មណ៌កាន់តែច្រើនដោយសារតែ titanium variant របស់ Xiaomi 14 Pro នៅពេលនេះ គឺមានការបំពាក់នូវប្រព័ន្ធផ្កាយរណបដែលជួយអោយអ្នកប្រើប្រាស់អាចធ្វើការភ្ជាប់ទំនាក់ទំនងបានតាមរយៈ satellites នៅពេលដែលមានអាសន្ន។

សូមជំរាបថា ក្រុមហ៊ុន Xiaomi ក៏មានការដាក់លក់ជាលើកដំបូងរបស់ Xiaomi 14 Ultra Titanium Special Edition នៅថ្ងៃទៅ 12 ខែមីនាខាងមុខនេះផងដែរ។ ស្មាតហ្វូនម៉ូដែលពិសេសនេះ គឺមានតម្លៃ ¥8,799 សម្រាប់ទំហំ 16GB+1TB។

មិនខុសពី Xiaomi 14 Pro នោះទេ ស្មាតហ្វូន Xiaomi 14 Ultra ក៏នឹងមានលក់នៅលើទីផ្សារសកលផងដែរ ដោយស្មាតហ្វូននេះ នឹងសម្ពោធជាផ្លូវការនៅលើទីផ្សារសកលនៅថ្ងៃទី 25 ខែកុម្ភៈនេះ មុនព្រឹត្តិការ MWC (Mobile World Congress) 2024 មួយថ្ងៃ។