ថ្មីៗនេះ ក្រសួង MIIT របស់ប្រទេសចិន ទើបតែបញ្ចេញនូវព័ត៌មានថ្មីមួយចំនួនទាក់ទងជាមួយនិងអាគុយសម្រាប់ប្រើប្រាស់នៅលើឡានអគ្គិសនីស៊េរីថ្មី Xiaomi YU7 AWD។ បើតាមការបញ្ជាក់មុននេះ បាននិយាយថា ឡាន YU7 គឺជាម៉ូដែលដំបូងរបស់ Xiaomi ដែលមានការឌីស្សាញរូបរាង និងបំពាក់នូវបច្ចេកវិទ្យាថ្មីៗ ដើម្បីប្រជែងជាមួយនិងឡាន Tesla Model Y  ហើយម៉ូដែលថ្មីនេហ នឹងបង្ហាញវត្តមាននៅលើទីផ្សារនាខែមិថុនា ឬខែកក្កដាខាងមុខនេះហើយ ជាមួយនិងម៉ូដែល RWD និង AWD ហើយនិងមានតម្លៃចាប់ពី 250,000 យ៉ន់ ប្រហាក់ប្រហែល 34,500 ដុល្លារ។

សម្រាប់កម្លាំងអតិបរមារបស់ម៉ូទ័រមុខក្រោយនលើរថយន្តនេះ គឺមាន 220kW (295 សេះ) និង 288kW (386 សេះ) និងមានការគាំទ្រដោយអាគុយ Lithium ចំនួន 3 ជម្រើស។ បើផ្អែកទៅលើស្តង់ដារនៃ CLTC cruising ranges គឺមានចាប់ពី 750km, 760km និង 670 km។ ជាមួយនិងការប្រើប្រាស់ថាមពល 14.9kWh គឺអាចរត់បាន 100km។

រថយន្តទាំងបីម៉ូដែលនេះ គឺមានទម្ងន់ 2405kg ហើយនិងរត់បានខ្ពស់បំផុតដល់ទៅ 253 km/h។ នៅពេលនេះ នៅមិនទាន់មានការប្រកាសចេញនូវទិន្នន័យរបស់ម៉ូដែល RWD នៅឡើយទេ។ បើតាមការបញ្ជាក់កន្លងមកធ្លាប់និយាយថា សម្រាប់កម្លាំងអតិបរមារបស់ម៉ូទ័រក្រោយ គឺមានកម្លាំង 235kW (315 សេះ) និងមានការគាំទ្រដោយថាមពលអាគុយ lithium iron phosphate battery packs ហើយនឹងអាចរត់បានលឿនបំផុតដល់ទៅល្បឿន 240km/h។

ឡានអគ្គិសនី Xiaomi YU7 មានតួខ្លួនប្រវែង 4999mm និងទទឹងប្រវែង 1996mm ហើយនិងមានកំពស់ 1600mm ខណៈដែលគម្លាតកង់មុខក្រោយមានប្រវែង 3000mm។ ផ្អែកតាមការបង្ហាញរូបភាពខាងលើនេះ មានការព្យាករណ៌ថា ក្រុមហ៊ុន Xiaomi អាចនឹងមានការប្រកាសចេញច្រើនម៉ូដែល រួមមានដូចជា standard, Pro និង Max trims ជាដើម។ បន្ថែមពីនេះ សម្រាប់ប្រព័ន្ធ lidar នៅលើដំបូល YU7 ក៏នឹងបន្តប្រើប្រាស់នូវប្រព័ន្ធបើកបរស្វ័យប្រវត្តិដែលមានការអភិវឌ្ឍន៍ដោយខ្លួនឯងដដែល។