ស្របពេលដែរ Huawei ត្រៀមធ្វើការប្រកាសចេញបច្ចេកវិទ្យាឆ្នាំងសាកភ្លើងរថយន្តអគ្គិសនីល្បឿនលឿនដែលមានថាមពលកំលាំង 1.5 MW អនុប្រធានផលិតរថយន្ត Zeekr ក៏បានប្រកាសដែរថា ក្រុមហ៊ុនខ្លួននឹងដាក់ដំណើរការឆ្នាំងសាក 1.2 MW Supercharge របស់ខ្លួននៅក្នុងត្រីមាសទីពីរឆ្នាំនេះផងដែរ។ Zeekr បានប្រកាសថា សម្រាប់ឆ្នាំងសាកកំលាំង 1.2MW Supercharger របស់ខ្លួន គឺប្រើប្រាស់នូវប្រព័ន្ធស្ថានីយ៍សាក fully liquid-cooled charging station។

បច្ចេកវិទ្យាឆ្នាំងសាកកំលាំង 1.2MW Supercharger ថ្មីរបស់ Zeekr នឹងត្រូវដាក់បង្ហាញនៅថ្ងៃទី 23 ខែមេសា ខាងមុខនេះនៅក្នុងព្រឹត្តិការណ៍ Shanghai Auto Show ហើយនឹងត្រូវដាក់ឲ្យដំណើរការនៅក្នុងត្រីមាសទីពីរក្នុងឆ្នាំ 2025 ខាងមុខនេះផងដែរ។ លោក Zhao Yuhui អនុប្រធានក្រុមហ៊ុន Zeekr Group បានបង្ហាញឧបករណ៍បញ្ចូលថាមពល 1.2MW Supercharger ថ្មីរបស់ខ្លួននៅក្នុងនៅលើវេទិកា China Electric Vehicle 100 Forum កាលពីពេលថ្មីៗនេះ។ ស្ថានីយបញ្ចូលភ្លើងរថយន្តអគ្គិសនីចំនួន 10 បង្គោល ដែល បង្គោលនីមួយៗអាចបញ្ជូនថាមពលបាន 1.2 មេហ្គាវ៉ាត់។

ក្រុមហ៊ុន Zeekr បានផ្តោតខ្លាំងលើហេដ្ឋារចនាសម្ព័ន្ធស្ថានីយ៍សាកថ្មរថយន្តរបស់ខ្លួន ដោយបានធ្វើបច្ចុប្បន្នភាពស្ថានីយសាកភ្លើងរថយន្តអគ្គិសនីរបស់ខ្លួនពី 360kW ទៅ 600kW រហូតដល់ 800kW ក្នុងរយៈពេលបីឆ្នាំកន្លងមកនេះ។ ការធ្វើបច្ចុប្បន្នក្រុមហ៊ុននេះ ត្រូវបានដាក់ឲ្យដំណើរការនៅតាមស្ថានីយ៍សាកថ្មរបស់ក្រុមហ៊ុនចំនួន 826 កន្លែងនៅទូទាំងប្រទេសចិន ដែលមានឆ្នាំងសាកចំនួន 4,007។

លោក Zhao Yuhui បាននិយាយថា យើងនឹងដឹកនាំឧស្សាហកម្មសម្រាប់បច្ចេកវិទ្យាសាកថ្មរថយន្តល្បឿនលឿនចូលទៅក្នុងយុគសម័យនៃការសាកថ្មដែលមានកំលាំងលើសពី 1MW ។ "ក្រុមហ៊ុន Zeekrគ្រោងនឹងដំឡើងឆ្នាំងសាកចំនួន 10,000 គ្រឿងនៅត្រឹមឆ្នាំ 2026 នៅទូទាំងប្រទេសចិន”៕