យោងតាមការចេញផ្សាយព័ត៌មានថ្មីនៅថ្ងៃនេះ បាននិយាយថា Zeekr បានបន្តបង្ហាញចេញនូវឡានម៉ូដែលថ្មី Zeekr 7X ដែលជាប្រភេទឡានអគ្គិសនី SUV លើទីផ្សារប្រទេសអូស្រ្តលីថែមទៀតហើយបន្ទាប់ពីការប្រកាសចេញនូវ Zeekr X និង Zeekr 009 រួចមក។ Zeekr 7X ត្រូវបានក្រុមហ៊ុនដាក់លក់មុននៅលើទីផ្សារអូស្រ្តាលីទៅលើម៉ូដែល RWD ជាមួយតកម្លៃ 57,900 ដុល្លាអូស្ត្រាលី និង Long Range RWD មានតម្លៃ 63,900 ដុល្លាអូស្ត្រាលី ខណៈដែល Performance AWD មានតម្លៃ 72,900 ដុល្លាអូស្ត្រាលី។

សម្រាប់ម៉ូដែលថ្មីនេះ គឺអាចបើកបរបានចម្ងាយ 480km ទៅ 615km និងអាចបង្កើតល្បឿនពី 0 ទៅ 100km ប្រើពេលត្រឹមតែ 6 វិនាទី ឬ 3.8 វិនាទីប៉ុណ្ណោះនេះបើតាមការបញ្ជាក់នៅលើវិបសាយផ្លូវការណ៌របស់ Zeekr Australia។ សូមជំរាបថា Zeekr 7X បានបង្ហាញខ្លួនជាលើកដំបូងនៅចិន កាលពីថ្ងៃទី 20 ខែកញ្ញា ឆ្នាំ 2024 ដែលជាម៉ូដែលទី 2 របស់ Zeekr ដែលមានការប្រើប្រាស់អគ្គិសនិសុទ្ធបន្ទាប់ពី Zeekr 007 sedan ហើយនឹងមានលក់នៅលើទីផ្សារចិនជាមួយនិងជម្រើស 3 ម៉ូដែលដូចគ្នា ដោយមានតម្លៃ ចាប់ពី 229,900 យ៉ន់ ដែលស្មើរនឹង $32,000 ដុល្លារអាមេរិ។

សូមជំរាបផងដែរថា កាលពីថ្ងៃទី 16 ខែធ្នូ ឆ្នាំ 2024 ក្រុមហ៊ុន Zeekr បានប្រកាសថា Zeekr 7X ក៏ធ្លាប់បានដាក់លក់នៅលើទីផ្សារអឺរ៉ុបដែលមានដូចជា ហូឡង់ ស៊ុយអែតន និងណ័រវេ ជាដើម។ បន្តមកទៀតនៅថ្ងៃទី 19 ខែឧសភា ក្រុមហ៊ុននេះក៏បានប្រកាសថា Zeekr 7X  នេះ ក៏បានទៅដល់បែលហ្សិក និងណ័រវេ ហើយនៅចុងខែមិថុនា ក្រុមហ៊ុននេះបានប្រកាសចេញឡានអគ្គិសនីថ្មីនេះនៅហុងកុង។

ក្រុមហ៊ុន Zeekr បានចាប់ផ្តើមទៅទីផ្សារប្រទេសអូស្រ្តាលីកាលពីខែតុលារឆ្នាំ 2024 ជាមួយវត្តមានម៉ូដែល Zeekr X ដែលជាឡានអគ្គិសនី compact EV ហើយបន្តមកក្រុមហ៊ុននេះក៏ប្រកាសចេញនូវម៉ូដែល Zeekr 009 នៅលើទីនោះបន្តទៀត។ យោងតាមទិន្នន័យកាលពីខែកក្កដានេះ Zeekr បាននាំចេញឡានបាន 16,977 គ្រឿង ដែកមានការកើនឡើងvehicles in  8.44% ប្រៀបធៀបជាមួយនិងឆ្នាំមុន។ សម្រាន់ Zeekr 7X បានក្លាយជាម៉ូដែលលក់ដាច់ជាងគេកាលខេកក្កដានេះ ជាមួយនិងចំនួន 6,922 គ្រឿង។