យោងតាមការប្រកាសនៅថ្ងៃនេះ បានអោយដឹងថា ក្រុមហ៊ុនផលិតស្មាតហ្វូនដ៏ធំរបស់ប្រទេសចិនមួយ នឹងមានការប្រកាសចេញនូវស្មាតហ្វូនថ្នាក់ប្រណិតរបស់ខ្លួនម៉ូដែល “Ultra” នៅពេលឆាប់ៗនេះហើយ។ សម្រាប់ក្រុមហ៊ុន Xiaomi ត្រូវគេរំពឹងថា នឹងមានការបង្ហាញចេញនូវស្មាតហ្វូនម៉ូដែល 15 Ultra នៅខែកុម្ភៈ នឹងមានការតាមពីក្រោយដោយស្មាតហ្វូន OPPO Find X8 Ultra នឹងមានការសម្ពោធជាផ្លូវការណ៌នៅខែមីនា។

ទាក់ទងនឹងម៉ូដែលថ្មីនេះដែរ ក្រុមហ៊ុន Vivo ក៏ត្រូវបានគេឃើញថា បានប្រកាសចេញនូវស្មាតហ្វូនស៊េរីថ្មីម៉ូដែល X200 Ultra របស់ខ្លួននៅត្រីមាសទី 2 ឆ្នាំនេះដែរ ដែលអាចនឹងធ្វើឡើងនៅខែមេសា។ ថ្មីៗនេះបើមើលទៅលើការបង្ហោះនៅលើ Weibo ដោយអ្នកទម្លាយ Digital Chat Station នោះ គឺបានចែកចាយនូវព័ត៌មានថ្មីរបស់ស្មាតហ្វូន X200 Ultra នេះថែមទៀតហើយ ក្នុងនោះក៏មានការបញ្ចេញនូវចំណុចសំខាន់មួយៗចំនួនផងដែរ។

បើតាមអ្នកទម្លាយរូបនេះ បានអោយដឹងថា ស្មាតហ្វូនជំនាន់ថ្មី Vivo X200 Ultra នឹងមានការបំពាក់នូវអេក្រង់មានទំហំ 6.8-អ៊ីង កម្រិតបង្ហាញចេញ 2K និងមានការគាំទ្រនូវបច្ចេកវិទ្យា LTPO OLED display ជាមួយិងការច្រិបគែមកាន់តែមានទំហំតូច ហើយនឹងមានគែមកោងបន្តិច។ចំពោះកាមេរ៉ាក្រោយវិញ គឺមានម៉ូឌុលកាមេរ៉ាមូល និងមានកាមេរ៉ាគោលទំហំ 50-Megapixel និងគ្រាប់ទីពីរមានទំហំ 50-Megapixel ultra-wide lens ខណៈដែលកាមេរ៉ា 200-Megapixel គឺជា Periscope Telephoto។

បន្ថែមពីនេះ អ្នកទម្លាយរូបនេះក៏បានទម្លាយថា សិនស័រគោលស្មាតហ្វូន X200 Ultra គឺមានតម្លើងនូវមុខងារហ៊្សូម 1.5x zoom (35mm equivalent) រួចជាសេ្រច ក្នុងនោះសម្រាប់ម៉ូដែល ultra-wide គឺមានការទ្រទ្រង់នូវមុខងារហ៊្សូម 1x ជំនូសអោយ 0.5x ឬ 0.6xអ។ ជាមួយគ្នានេះ ស្មាតហ្វូន X200 Ultra នេះ ក៏នូវមានការប្រើប្រាស់នូវបន្ទះឈីប Snapdragon 8 Elite ដែលខុសពី X200 និង X200 Pro គឺមានការប្រើប្រាស់នូវបន្ទះឈីប Dimensity 9400។

ស្មាតហ្វូននេះអាចនឹងមានថ្មទំហំ 6,000mAh គាំទ្រដោយកម្លាំងសាក 90W wired និងបច្ចេកវិទ្យាសាកឥតខ្សែរ 50W wireless charging ផងដែរ។ ស្មាតហ្វូននេះអាចនឹងមានពណ៌ខ្មៅ និងពណ៌ស។ សម្រាប់ Software គឺរត់នៅលើ Funtouch OS 15 ផ្អែកលើ Android 15។