ថ្មីៗនេះ Fulwin ដែលជាម៉ាកយីហោរថយន្តស្ថិតក្រោមការគ្រប់គ្រងរបស់ Chery បានធ្វើការដាក់តាំងបង្ហាញគំរូរថយន្តប្រភេទ MPV ខ្នាតតូចរបស់ខ្លួនម៉ូដែល Fulwin Jinyun នៅក្នុងប្រទេសចិន។ គំរូបរថយន្តស៊េរីថ្មីនេះ គឺប្រភេទរថយន្តថ្នាក់មធ្យមដែលត្រូវចូលប្រឡូកនៅក្នុងទីផ្សាររថយន្តដំណើរការដោយថាមពលថ្មី ឬ New Energy MPV Market។ Fulwin Jinyun បានបង្ហាញវត្តមាននៅក្នុងព្រឹត្តិការណ៍ Guangzhou Auto Show កាលពីថ្ងៃទី 15 ខែវិច្ឆិកា ថ្មីៗនេះជាមួយនឹងគំរូរថយន្តអគ្គិសនី EV Wagon មួយចំនួនទៀត។
គំរូរថយន្ត Chery Fulwin Jinyun បានបង្ហាញពីការរចនាបែបរថយន្តនាពេលអនាគត ដោយមានផ្នែកខាងមុខត្រូវបានរចនាឡើងយ៉ាងប្រណិតរំលេចជាមួយអំពូល LED តូចស្លីមរចនារាងជាអក្សរ C ផ្កាប់ចុះ និងផ្នែកខាងក្រោយរចនាជាមួយកញ្ចក់ថ្លាមើលឃើញដល់ខាងក្នុង Transparent tailgate ហើយរំលេចជាមួយចង្កៀងដែលមានការឌីស្សាញរាងជារង្វង់ធំជុំវិញ។ រូបរាងរបស់ Fulwin Jinyun ត្រូវបានឌីស្សាញឡើងរាងជា A-pilar រួមជាមួយការបំពាក់ប្រព័ន្ធកាមេរ៉ាមើលក្រោយ Digital Side mirror ជំនួសឲ្យកញ្ចក់ធម្មតា។
តាមការបង្ហាញរថយន្តស៊េរីថ្មីនេះ គឺមានបំពាក់នូវប្រព័ន្ធ seventh-generation Kunpeng Super Performance Electric Hybrid C-DM system របស់ Chery ដែលដំណើរការនៅលើម៉ាស៊ីន 2.0T និងម៉ូទ័រអគ្គិសនីមួយជាមួយនឹងការប្រើប្រាស់ប្រព័ន្ធប្រអប់លេខប្រភេទ 3DHT ដែលអាចបើកបរបានចំងាយសរុបរហូតដល់ទៅ 2,500km ឯណោះ។ រថយន្តស៊េរីថ្មីនេះ ក៏គាំទ្រនៅមុខងារ tank turn និង crab mode ថែមទៀតផង។ តួរខ្លួនរបស់ Fulwin Jinjun ប្រហែល 55% ត្រូវបានស្រោបដោយសារធាតុលោហៈពិសេសហៅថា 2000MPa submarine-grade hot-rolled steel និង aluminum alloy។
រថយន្តនេះ ក៏មានបំពាក់នូវប្រព័ន្ធពោងសុវត្ថិភាពនៅផ្នែកសំខាន់ៗជាច្រើនដូចជា far-side airbags, tail airbags, និង extra-long side curtain airbags ជាដើម។ បន្ថែមពីនេះ Fulwin Jinyun ក៏មានបំពាក់នូវប្រព័ន្ធសុវត្ថិភាពកម្រិតខ្ពស់ដូចជា height-adjustable air suspension និង shock absorption system ផងដែរ។
សម្រាប់ប្រព័ន្ធជំនួយការបើកបរឆ្លាតវៃ Intelligent Driving វិញ Fulwin Jinyun បានប្រើប្រាស់នូវប្រព័ន្ធ CPilot5.0 advanced driving assistance system ដែលរួមមានមុខងារដូចជា intelligent scanning និង environmental information interaction, supporting high-speed, urban Navigate on Autopilot ក៏ដូចជា parking assist ជាដើម។
នៅផ្នែកខាងក្នុងមានការឌីស្សាញយ៉ាងប្រណិតប្រកបដោយផាសុខភាពជាមួយពណ៌បែប Mint color, ដៃចង្កូតរចនាបែបអនាគត ហើយកៅអីសម្រាប់អ្នករួមដំណើរខាងមុខអាចធ្វើការបង្វិលបាន 360 ដឺក្រេ ខណៈកៅអីខាងក្រោយមានការរចនាឡើងដូចជាសាឡុងអង្គុយលេងអីចឹង។ ទោះជាយ៉ាងណាសម្រាប់តម្លៃ និងកាលបរិច្ឆេទចេញលក់ Chery មិនទាន់បញ្ជាក់ឲ្យដឹងនៅឡើយទេនាពេលនេះ៕
