អីចឹងនេះគឺជាឡាន Sedan អគ្គិសនី Nissan N7 ថ្មី ដែលទើបតែបានបង្ហាញខ្លួន នៅឯកម្មវិធី Shanghai Auto Show ប្រទេសចិន ហើយមានតម្លៃចាប់ពីខ្ទង់ $16,000 តែប៉ុណ្ណោះ។ ឡានអគ្គិសនីរបស់ជប៉ុនមួយនេះ ត្រូវបានចូលរួមសហការណ៍ផលិត ដោយក្រុមហ៊ុនផលិតឡានចិន Dongfeng ហើយផ្តល់ជម្រើសចំនួន 5 ម៉ូដែលគឺ៖

ទី 1 N7 510 Air តម្លៃខ្ទង់ $16,000 មានកម្លាំង 215 HP និង ចម្ងាយបើកបរ 510 KM

ទី 2 N7 510 Pro តម្លៃខ្ទង់ $17,000 មានកម្លាំង 215 HP និង ចម្ងាយបើកបរ 510 KM

ទី 3 N7 510 Air តម្លៃខ្ទង់ $18,000 មានកម្លាំង 215 HP និង ចម្ងាយបើកបរ 510 KM

ទី 4 N7 620 Pro តម្លៃខ្ទង់ $19,000 មានកម្លាំង 268 HP និង ចម្ងាយបើកបរ 625 KM

ទី 5 N7 625 Max តម្លៃខ្ទង់ $20,000 មានកម្លាំង 268 HP និង ចម្ងាយបើកបរ 625 KM

ចំពោះទំហំអាគុយរបស់ពួកវា​គឺ 58 kWh និង 73 kWh អាស្រ័យទៅតាម Option ហើយជាប្រភេទ LFP Battery ហើយក៏គាំទ្រការសាកភ្លើងល្បឿនលឿន ផងដែរ។ បើនិយាយពីការឌីហ្សាញវិញ Nissan N7 ពិតជាមានរូបរាងទាក់ទាញ និង ទាន់សម័យ ដោយមានបំពាក់អំពូល Daytime Running Light រាងស្លីមមួយឈ្នូត លាតពេញផ្នែកខាងមុខ ហើយបំពាក់សំណុំចង្កៀងមុខនៅខាងក្រោម អមដោយ Sensor ខាងមុខចំនួន 6 គ្រាប់ និង កាមេរ៉ាផ្នែកខាងមុខ 1 គ្រាប់ ផងដែរ។

មិនតែប៉ុណ្ណោះ វាមានការឌីហ្សាញតួខ្លួនបែបស្ព័រប្រណីត និងប្រើដៃទ្វារលិបចេញចូលក្នុងតួខ្លួនឡាន ហើយមានប្រវែងសរុប 4.91m ទទឹង 1.89m កម្ពស់ 1.48m និង គម្លាតពីកង់មុខទៅកង់ក្រោយ 2.91m។ ក្រឡេកទៅមើលការរៀបចំផ្នែកខាងក្នុងវិញ គឺ ទាន់សម័យ និងទំនើបតែម្តង ដោយមានបំពាក់កុងទ័រឌីជីថល និងអេក្រង់កម្សាន្ត Touchscreen ផ្នែកកណ្តាលធំ ទំហំដល់ទៅ 15.6 អ៊ីញ, កន្លែងសាកថ្មទូរសព្ទឥតប្រើខ្សែ ចំនួន 2, ដៃចង្កូតអេឡិចត្រូនិច រចនាបែប 2 កាំ និង​ពូកស្បែក ជាដើម៕