ដូចការគ្រោងទុក ក្រុមហ៊ុន OPPO បានបង្ហាញនូវផលិតផលប្រណិតៗជាច្រើននៅក្នុងព្រឹត្តិការណ៍សម្ពោធផលិតផលថ្មីៗរបស់ខ្លួននៅថ្ងៃនេះ ដែលផលិតផលទាំងនោះ រួមមានដូចជា Find X9 Ultra, Find X9s Pro និង Find X9s ជាមួយនឹងផលិតផលជាច្រើនទៀតក្នុងនោះក៏មានថេប្លេតផងដែរ។ ហើយនៅក្នុងចំណោមផលិតផលទាំងអស់នេះ ថេប្លេត OPPO Pad Mini ត្រូវបានបង្ហាញវត្តមានជាផ្លូវការណ៌ នៅក្នុងនាមជាថេប្លេតរូបរាងតូច តែសមត្ថភាពខ្លាំងក្លា។

ថេប្លេត OPPO Pad Mini នេះប្រើប្រាស់នូវបន្ទះឈីប Snapdragon 8 Gen 5 ជាមួយនឹង LPDDR5X RAM និង UFS 4.1 storage។ ថេប្លេតថ្មីនេះ ដំនើរការនូវ ColorOS 16 ហើយក៏មាន Tools មានប្រយោជន៍ជាច្រើនទៀតផងដែរ នៅក្នុងនោះមានដូចជា PC-level WPS, file management features និង cross-device collaboration ជាដើម។ ថេប្លេត OPPO Pad Mini នេះ មានអេក្រង់ទំហំ 8.8 អ៊ីង AMOLED Display ជាមួយនឹងខ្នាត 3:2 Aspect Ratio និងមានកម្រិតភាពច្បាស់ 2520x1680pixels។

បន្ថែមពីនេះ នៅលើអេក្រង់នេះ ក៏មានការទ្រទ្រង់នូវ Adaptive Refresh Rate Ranging ចាប់ពី 60Hz ទៅ 144Hz ជាមួយនឹងពន្លឺអេក្រង់ 1600 nits ទៀតផង។ អ្វីដែលពិសេសអេក្រង់ថេប្លេតថ្មីនេះ មានគែម bezels ស្តើង និងការពង្រឹងទៅលើ pixel density ខ្ពស់សម្រាប់ជំនួយដល់ការមើល ការអាន និងការកម្សាន្តជាដើម។ ទាក់ទងនិងកាមេរ៉ានៅលើថេប្លេតនេះបំពាក់នូវកាមេរ៉ាខាងក្រោយទំហំ 13MP និងកាមេរ៉ាខាងមុខទំហំ 8MP សម្រាប់ការខល និងការថតរូបភាពបានច្បាស់។

ថេប្លេតនេះមានថាមពលថ្មទំហំ 8000mAh ទ្រទ្រង់ទៅលើបច្ចេកវិទ្យា 67W fast charging ហើយនិងមានមកជាមួយនូវ Wi-Fi 7, USB Type-C connectivity, dual speakers និងកម្រាស់ស្តើងត្រឹមតែ 5.3mm។ ថេប្លេត OPPO Pad Mini នេះមានតម្លៃ 3,199 យ៉ន់ (~$470) សម្រាប់ទំហំ 8GB+256GB ខណៈពេលដែលទំហំ 12GB+256GB យ៉ន់ មានតម្លៃ 3,499 យ៉ន់ (~$510)។ សម្រាប់ទំហំ 12GB+512GB មានតម្លៃ 3,999 យ៉ន់ (~$760)។ ថេប្លេតនេះ បានបង្ហាញខ្លួនជាមួយនឹងពណ៌ Mint Green, Monet Purple និង Space Grey ហើយនិងមានគោលដៅសម្រាប់អ្នកប្រើប្រាស់ជាអ្នកធ្វើការ និងការកម្សាន្តផងដែរ៕