នៅថ្ងៃនេះ លក្ខណៈសម្បត្តិជាច្រើននៃបន្ទះឈីប MediaTek Dimensity 9400 ត្រូវបែកធ្លាយនៅលើអនឡាញហើយ ដែលព័ត៌មាននេះ ត្រូវបានចែកចាយដោយអ្នកទម្លាយ Digital Chat Station (DCS)។ ការបែកធ្លាយថ្មីមួយទម្លាយនូវ CPU និង GPU architecture របស់បន្ទះឈីបថ្មីនេះផងដែរ។ យោងតាមការបញ្ជាក់របស់ DCS បានអោយដឹងថា បន្ទះឈីប Dimensity 9400 នេះនឹងមានបំពាក់នូវ Single Prime Core, Cortex-X925 ដែលមានល្បឿន 3.62 GHz ដែលមានការបង្កើនពី 3.25 GHz នៅលើ Cortex-X4 core ជំនាន់មុននេះ។

ការបែកធ្លាយនេះ បានបន្ថែមទៀតថា សម្រាប់ 3 Cortex-X4 cores នឹងមានល្បឿន 2.80 GHz clock speed ដូចទៅនឹងបន្ទះឈីប Dimensity 9300 អញ្ចឹងដែរ។ នៅក្នុងរបាយការណ៍មុននេះ បានបញ្ជាក់ថា បន្ទះឈីប SoC ថ្មីនេះ នឹងប្រើប្រាស់នូវអង្គគណនា Cortex-A725 Cores ហើយសម្រាប់ Dimensity 9400 នឹងបំពាក់នូវ Cortex-A720 cores ចេញពីម៉ូឌែលជំនាន់មុននេះ។ ប្រសិនបើនេះ គឺជាការពិតនោះ ល្បឿននៃ Core Clock នេះគឺមានកម្រិត 2.0GHz ។

បន្ទះឈីប Dimensity 9400 នេះ នឹងប្រើប្រាស់នូវ 4nm របស់ក្រុមហ៊ុន TSMC ដែលដំណើរការថ្មីនេះ នឹងជួយបង្កើនល្បឿន និងប្រសិទ្ធិភាពផងដែរ។ នៅលើបន្ទះឈីបអាចនឹងគ្រប់គ្រងទៅលើការងារ AI Tasks ជាច្រើនបានយ៉ាងសម្បូរបែប។ បន្ទះឈីប MediaTek Dimensity 9400 នេះ នឹងមានបំពាក់នូវមេម៉ូរី LPDDR5X របស់ក្រុមហ៊ុន Samsung មុនគេនៅក្នុងឧស្សាហកម្មនេះ។ នេះគឺជាម៉េមូរីលឿនបំផុតរបស់ពិភពលោកដែលមានល្បឿននៃការផ្ទេរទិន្នន័យបានលឿនដល់ទៅ 10.7Gbps ហើយវាក៏អាចដំណើរការនូវមុខងារ AI សម្រាប់ការងារជាច្រើនដូចជា voice-to-text ជាដើម៕