យោងតាមការចេញផ្យាយនៅថ្ងៃនេះ បានបញ្ជាក់អោយដឹងថា ក្រុមហ៊ុន BYD បានត្រៀមខ្លួនប្រកាសចេញនូវរថយន្តអគ្គិសនីជំនាន់ថ្មីរបស់ខ្លួននៃត្រកូល Dynasty Series ម៉ូដែល Yuan UP ថែមទៀតហើយ។ រថយន្តអគ្គិសនីថ្មីនេះ នឹងមានការបង្ហាញវត្តមានជាផ្លូវការនៅថ្ងៃទី 19 ខែមីនាខានស្អែកនេះហើយ នឹងមានតម្លៃចាប់ពី 79,800 យ៉ន់ yuan ដែលស្មើរនឹងតម្លៃ 11,000 ដុល្លារ។ សម្រាប់ការឌីស្សាញទៅលើរូបរាងរថយន្តអគ្គិសនី Yuan UP គឺក្រុមហ៊ុននេះ នៅនបន្តយកគំរូតាម Song L design language ដដែល។

រថយន្តអគ្គិសមនីថ្មីនេះ គឺមានការរចនាប៉ាណាខាងមុខ ដូចនាគរាជ “dragon face” ហើយបើតាមការបញ្ជាក់ពី BYD គឺបានអោយដឹងថា រថយន្តនេះ គឺប្រើប្រាស់ស៊ុមខ្មៅជុំវិញ។ រថយន្តនេះ មានការឌីស្សាញដៃទ្វាជំនាន់ថ្មី រួមនិងមានដំបូល “floating roof” ថែមទៀត។ បើមើលទៅលើការឌីស្សាញសម្រាប់រថយន្តអគ្គិសនី Yuan UP នេះ គឺសម្រាប់ប្រើប្រាស់នៅលើផ្លូវក្នុងទីក្រុង ជាជាងប្រើនៅលើផ្លូវមានស្ថានភាពលំបាក។  Yuan UP គឺមានការដាក់អោយដំណើរការជាមួយនូវប្រព័ន្ធ e-Platform 3.0 ដែលក្រុមហ៊ុនប្រើប្រាស់នៅលើរថយន្ត Atto 3។

រថយន្តអគ្គិសនី BYD Yuan UP មានវិមាត្រ 4310/1830/1675 mm និងមានប្រវែងគម្លាតកង់ 2620 mm។ សម្រាប់កម្លាំងវិញ គឺមានការប្រើប្រាស់នូវម៉ូទ័រអគ្គិសនីចំនួន 2 ប្រភេទគឺមាន70kW និង 130kW។ សម្រាប់ការធ្វើដំណើរវិញ គឺផ្អែកលើការប្រើប្រាស់កម្លាំងថាមពល ដោយ 32 kWh ទៅ 45.1 kWh។

រថថយន្តនេះ អាចធ្វើដំណើរបានចាប់ពី 301 km ទៅ 401 km សម្រាប់ការសាកថាមពលពេញម្តង។ ចំពោះផ្ទៃខាងក្នុងវិញ Yuan UP គឺមានការឌីស្សាញជាមួយនិងស្ទីល D-shaped steering wheel និងមានការរចនាឡូហ្កូ Yuan (元) logo ហើយនិងមានអេក្រង់ទំហំ 8.8-អ៊ីង LCD instrument cluster និងអេក្រង់មួយទៀតមានទំហំ 12.8-អ៊ីង នៅចំកណ្តាលអ្នកបើកបរ និងអ្នករួមដំណើរ។

សម្រាប់កៅអីអង្គុយវិញ គឺមានរចនាចេញពីស្បែក មានរន្ធតូចៗ ជួយអោយមានខ្យល់ចេញចូលបានល្អ។ នៅក្នុងរថយន្តនេះ ក៏មានការបំពាក់នូវបច្ចេកវិទ្យាសាកឥតខ្សែរនៅចំកណ្តាល រួមជាមួយនិង crystal gear selector ហើយនិងប៊ូតុង Physical សម្រាប់បញ្ជាទៅលើមុខងារផងដែរ។ អ្វីដែលប្លែកនៅលើរថយន្តនេះ គឺមានដំបូល panoramic roof ដែលមានសមត្ថភាពអាចធ្វើការប្តូរពណ៌បានច្រើនដូចជា ខ្មៅ និង beige ឬផ្កាឈូក ក៏ដូចជា charcoal និងប្រផេះស្រាលថែមទៀតផង។