ក្រុមហ៊ុនផលិតរថយន្ត Great Wall Motors (GWM) បានធ្វើការប្រកាសចេញរថយន្ត SUV ស៊េរីថ្មីរបស់ខ្លួនម៉ូដែល Xiaolong Max PHEV ដែលស្ថិតនៅក្រោមម៉ាកយីហោ Haval របស់ខ្លួន កាលពីពេលថ្មីៗនេះនៅទីផ្សារប្រទេសចិន។ Xiaolong Max  គឺជាប្រភេទរថយន្ត AWD Plug-in-hybrid SUV ដែលមានតម្លៃខ្ទង់ចាប់ពី $18,000 ទៅដល់ $23,300 នៅទីផ្សារប្រទេសចិន។ យោងតាមការរបាយការណ៍ពី Haval បានឲ្យដឹងថា ក្នុងរយះពេល 24 ម៉ោងបន្ទាប់ពីការប្រកាសចេញ Xiaolong Max PHEV ទទួលបានការកក់មុនចំនួន 16,368 គ្រឿង។

Haval Xiaolong Max PHEV ត្រូវបានក្រុមហ៊ុនធ្វើការផលិតឡើងដោយប្រើប្រាស់ភាសាឌីស្សាញ “natural rhythmic aesthetics” ជាមួយការបំពាក់នូវបណ្តុំអំពូលខាងមុខប្រភេទ Matrix Headlight រចនាបែបស្លីមអូសកាត់ក្បាលរថយន្តពីម្ខាងទៅម្ខាងជាមួយការប្រើប្រាស់នូវអំពូល LED ចំនួន 72 គ្រាប់ និងចង្កៀងស្តុបខាងក្រោយរចនាបែបបណ្តុំផ្កាយ “Bright Galaxy” រំលេចជាមួយអំពូល ultra-red LED ខ្នាត 32 628nm។ រថយន្ត PHEV-SUV ស៊េរីថ្មីនេះប្រើប្រាស់យ៉ាន់កង់ទំហំ 19-inch រចនាជាកាំប្រាំជាមួយក្បាច់ដ៏ទាក់ទាញ។

Haval Xiaolong Max មានប្រវែងបណ្តោយ 4,780mm/ ទទឹង 1,895/ កំពស់ 1,725mm និងគម្លាតចន្លោះកង់មុខទៅកង់ខាងក្រោយ  2,810mm។ រថយន្តនេះមានជម្រើស 5 ពណ៌មានពណ៌ white, black, aurora green, forest green, និង gray។ Haval Xiaolong Max PHEV គាំទ្រនូវប្រព័ន្ធជំនួយការបើកបរកម្រិតខ្ពស់ Coffee Pilot Plus ដែលដំណើរការជាមួយនឹងប្រព័ន្ធសែនស័រកាមេរ៉ា រួមជាមួយសែនស័រ millimeter-wave radars ចំនួន 3 គ្រាប់, Ultrasonic Sensor ចំនួន 12 គ្រាប់ ហើយនឹងសែនស័រកាមេរ៉ាចំនួន 7 គ្រាប់។

Xiaolong Max PHEV គាំទ្រដំណើរការដោយប្រព័ន្ធ Hi4 plug-in hybrid system អភិវឌ្ឍន៍ដោយ GWM ដាក់ឲ្យដំណើរការនៅលើម៉ាស៊ីន 1.5L Engine កំលាំង 114 សេះ មានកំលាំងរមូល 140Nm គូបផ្សំដំណើរការជាមួយប្រព័ន្ធម៉ូទ័រអគ្គិសនីខាងមុខកំលាំង 94 សេះ មានកំលាំងរមូល 110Nm និងម៉ូទ័រក្រោយកំលាំង 201 សេះ មានកំលាំងរមូល 350Nm ភ្ជាប់ដំណើរការដោយប្រអប់លេខប្រភេទ 2-speed DHT។ ប្រសិនបើសរុបកំលាំងម៉ាស៊ីន និងកំលាំងម៉ូទ័រអគ្គិសនីទាំងពីរចូលគ្នាអាចធ្វើឲ្យ Xiaolong Max PHEV មានកំលាំងសរុបដល់ 319 សេះ និងកំលាំងរមូល 595Nm ដែលអាចជាន់ល្បឿន top-speed ដល់ 180km/h និងជាន់ស្ទុះពី 0 ទៅ 100km/h ចាយពេលប្រមាណ 6.8 វិនាទី។

រថយន្ត Plug-in-hybrid SUV ស៊េរីថ្មីរបស់ម៉ាក Haval មួយនេះប្រើប្រាស់កញ្ចប់ថ្មប្រភេទ Lithium iron phosphate ដែលមានជម្រើសពីរទំហំផ្សេងគ្នា គឺ 18.74kWh និង 27.54kWh ដែលសាកភ្លើងពេញម្តងអាចជិះបានចម្ងាយ 100km និង 165km ដោយប្រើថាមពលថ្មសុទ្ធ ហើយសម្រាប់កម្រិតស៊ីសាំងរបស់ម៉ាស៊ីន 1.5L របស់រថយន្តនេះ គឺតិចបំផុតត្រឹម 0.97L/100km។ ទោះជាយ៉ាងណា GWM មិនបានបញ្ជាក់ពីរយះចម្ងាយផ្លូវសរុបដែល Haval Xiaolong Max PHEV អាចជិះបាននៅឡើយទេ។ ទៅលើការសាកភ្លើងចូលវិញ Xiaolong Max PHEV គាំត្រការសាកភ្លើងចូលល្បឿនលឿនដោយសាកពី 30% ទៅ 80% ចាយពេលប្រមាណ 20 នាទីប៉ុណ្ណោះ។

សម្រាប់ផ្នែករៀបចំរចនាខាងក្នុងរបស់ Haval Xiaolong Max PHEV មានភាពប្រណិតនិយមជាមួយដៃចង្កូតរចនាបែប flat-bottom steering wheel, មានអេក្រង់កម្សាន្តនៅកណ្តាលតាបឡូទំហំ 14.6-inch ដំណើរការដោយប្រព័ន្ធប្រតិបត្តិការ CoffeeOS3 Smart Cockpit system, អេក្រង់បង្ហាញព័ត៌មានទំហំ 12.3-inch រួមនឹងមុខងារបង្ហាញលើកញ្ចក់ដំបូលមុខ HUD សម្រាប់ម៉ូដែល Top-trim ផងដែរ។ បន្ថែមពីនេះ Xiaolong Max PHEV ក៏គាំទ្រនូវមុខងារបញ្ជាដោយសំឡេង និងមុខងារចំណាំមុខថែមទៀតផង។ ផ្នែកខាងក្នុងរបស់ Haval Xiaolong Max PHEV មានជម្រើសបីពណ៌ គឺស ត្នោត និងខ្មៅ។

រថយន្តនេះមានជម្រើស 5 កៅអី ជាប្រភេទកៅអីស្បែក ដោយកៅអីខាងមុខគាំទ្រមុខងារខ្យល់ក្តៅត្រជាក់ និងម៉ាស្សាចំនួន 8 របៀប ព្រមទាំងអាចធ្វើការកំនត់បានចំនួន 3 របៀបដោយប្រព័ន្ធអេឡិចត្រូនិច។ រីកៅអីខាងក្រោយគាំទ្រមុខងារកំដៅ និងមុខងារ 2-speed back rest។ ជាមួយគ្នានេះ Xiaolong Max PHEV មានកន្លែងសាកភ្លើងទូរស័ព្ទមិនប្រើខ្សែកំលាំង 50W Wireless Charging, អាចធ្វើបច្ចុប្បន្នភាពប្រព័ន្ធដំណើរការ  OTA updates, មុខងារ remote control, WiFi hotspot ប្រព័ន្ធភ្លើងតាមកាប៊ីន ambient lights ចំនួន 64 ពណ៌, ប្រព័ន្ធសោរ Smart Key រួមនឹងប្រព័ន្ធកំដៅចង្កូតជាដើម៕