រហូតមកទល់ពេលនេះ Apple នៅតែជាក្រុមហ៊ុនមិនទាន់មានស្មាតហ្វូនអេក្រង់បត់នោះទេ ខណៈដែលពាក្យចចាមអារ៉ាមជាច្រើនបាននិយាយថា ក្រុមហ៊ុននេះ គឺបាននឹងកំពុងតែអភិវឌ្ឍទៅលើស្មាតហ្វូន iPhoneថ្មីដែលមានរូបរាងជាមួយនឹងអេក្រង់ book-style foldable display។ យោងតាមរបាយការណ៍ជាច្រើនមុននេះ បានបញ្ជាក់ថា អេក្រង់បត់បានរបស់ស្មាតហ្វូននេះ នឹងមានទំហំធំជាងស្មាតហ្វូន Android ដែលយើងធ្លាប់បានឃើញទម្រង់ជា book-style foldable Android ដែលក្នុងនោះក៏មានស្មាតហ្វូន Galaxy Z Fold 7 ផងដែរ។

បន្ទាប់ពីរបាយការណ៍ជាច្រើនបានទម្លាយនោះ យើងបានដឹងថា ក្រុមហ៊ុន Samsung ក៏កំពុងតែអភិវឌ្ឍនូវស្មាតហ្វូន book-style foldable ដែលមានអេក្រង់បត់បានទំហំធំជាងស្មាតហ្វូន Galaxy Z Fold 7 ។ ស្មាតហ្វូនថ្មីនេះ អាចនឹងមានឈ្មោះហៅថា Galaxy Wide Fold ។ ខណៈដែលក្រុមហ៊ុន Samsung បង្កើននូវស្ថានភាពលំបាកសម្រាប់ក្រុមហ៊ុន Apple នៅក្នុងទីផ្សារស្មាតហ្វូនបត់បាននេះ នៅពេលនេះ មានក្រុមហ៊ុនម៉ាកយីហោជាច្រើនរបស់ចិន បាននឹងកំពុងតែធ្វើគម្រោងថ្មីរបស់ខ្លួនក្នុងការប្រជែងជាមួយនឹងក្រុមហ៊ុន Samsung នេះដែរ តាមរយៈការបញ្ចេញនុវស្មាតហ្វូនដែលមានទម្រង់ book-style foldable របស់ខ្លួន។

យោងតាមអ្នកទម្លាយរូបនេះ បានអះអាងថា ក្រុមហ៊ុន Honor បាននឹងកំពុងតែអភិវឌ្ឍទៅលើស្មាតហ្វូនដែលមានទម្រង់  book-style foldable display ហើយស្មាតហ្វូនដែលមានអេក្រង់បត់បានរបស់ក្រុមហ៊ុននេះ គឺមានទំហំធំជាងស្មាតហ្វូន Android book-style foldable ដូចជា Galaxy Z Fold 7។ បច្ចុប្បន្ននេះ នៅមិនទាន់មានព័ត៌មានាច្រើនទៀតអំពីលក្ខណៈសម្បត្តិ និងតម្លៃរបស់ស្មាតហ្វូននេះនៅឡើយទេ។

គួរបញ្ជាក់ផងដែរថា ស្មាតហ្វូនបត់បានជាច្រើនរបស់ក្រុមហ៊ុន Honor នៅមិនទាន់មានលក្ខណៈសម្បត្តិ hardware ខ្លាំងក្លាដូចទៅនឹងស្មាតហ្វូន Foldable របស់ក្រុមហ៊ុន Samsung នៅឡើយទេ។ បើមើលទៅលើដំណឹងរបស់ស្មាតហ្វូនអេក្រង់បត់បាន Galaxy Wide Fold ថ្មីនេះ គឺពិតជាមានភាពខ្លាំង ដូច្នេះស្មាតហ្វូន Foldable របស់ក្រុមហ៊ុន Honor ប្រហែលជាមិនទាន់ជាការគំរាមខ្លាំងខ្លាំទៅលើស្មាតហ្វូន Galaxy Wide Fold នៅឡើយទេ៕