នៅថ្ងៃនេះ Samsung Galaxy S26 ត្រូវបានគេប្រទះឃើញបានបង្ហាញវត្តមាននៅលើបញ្ជី Geekbench ហើយ ដោយម៉ូដែលនេះមានភ្ជាប់មកជាមួយនូវលេខម៉ូដែល SM-S942N ត្រូវបានគេនិយាយថា គឺស្មាតហ្វូន ដែលនឹងដាក់លក់នៅលើទីផ្សារកូរ៉េខាងត្បូង។ តាមរយៈបញ្ជី Geekbench បញ្ជាក់ថា Samsung Galaxy S26 ថ្មីនេះ គឺមានការប្រើប្រាស់បន្ទះឈីប Exynos 2600 ខណដែលម៉ូដែលប្រើឈីបផ្សេងមានលេខ S59965។

នៅលើបញ្ជីនេះថែមទាំងបញ្ជាក់ទៀតថា Galaxy S26 នឹងមានការបំពាក់រ៉េមទំហំ 12GB រត់នៅលើ Android 16 និងផ្អែកលើស្បែកកម្មវិធី One UI 8.5 skin។ ជាមួយនិងបន្ទះឈីប Exynos 2600 នេះ គឺមានការប្រើប្រាស់នូវបច្ចេកវិទ្យាកម្រិត 2nm ដំបូងគេបំផុត ដោយមាន 10-Core CPU ដោយ Prime Core រត់នៅលើល្បឿន 3.8GHz និងអមដោយក្រាហ្វិកាត Xclipse 960 GPU។ ស្មាតហ្វូននេះបានធ្វើតេស្តហើយ ដោយទទួលពិន្ទ 3,000 ទៅ 3,300 នៅកម្រិត single-core test និង 10,450 ទៅ 11,370 នៅលើការតេស្ត multi-core។

សូមជំរាបថា Galaxy S26 ធ្លាប់ត្រូវបានគេទម្លាយចេញមុននេះរួចមកហើយថា នឹងមានការបំពាក់នូវអេក្រង់ទំហំ 6.32 អ៊ីង ប្រភេទ AMOLED FHD+ display ល្បឿន 120Hz refresh rate និងមានកម្រិតពន្លឺ 2,600 nits of peak brightness។ ទៅលើកាមេរ៉ាវិញ គឺមានកាមេរ៉ាគោលទំហំ 50MP មានមុខងារ OIS និងកាមេរ៉ា 12MP Ultra-wide lens ហើយនិង 10-MP Telephoto ដែលហ៊្សូមបាន 3x optical zoom។ សម្រាប់កាមេរ៉ាមុខ មានទំហំ 12MP ហើយនិងមានថ្ម 4,300mAh គាំទ្រកម្លាំងសាក 25W charging។

គួរបញ្ជាក់ថា Galaxy S26 series ដែលនឹងមានវត្តមានខែនេះ នឹងមានជម្រើស S26, S26+ និង S26 Ultra។ ហើយទៅលើម៉ូដែលស្តង់ដារ និងម៉ូដែល Plus ប្រហែលជាមានការប្រើប្រាស់ឈីប Exynos ឬ Snapdragon ទៅតាមទីផ្សារនិមួយ។ចំពោះម៉ូដែល Ultra គឺមានប្រើប្រាស់តែឈីបមួយប៉ុណ្ណោះគឺ Snapdragon ហើយនឹងដាក់លក់នៅលើទីផ្សារទាំងអស់នៅលើពិភពលោកទៀតផង។