Denza ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន BYD នៅថ្ងៃនេះ បានប្រកាសថា សង្វាក់ផលិតកម្មទៅលើរថយន្ត Denza បានឈានដល់ 500,000th គ្រឿងហើយ ខណៈដែល Denza N9 Flash Charging edition បានក្លាយជាម៉ូដែលពិសេសមួយនៃលេខរៀងពិសេសនេះ។ ការប្រកាសចេញនូវតួរលេខខាងលើនេះ គឺធ្វើឡើងនៅក្នុងឱកាសអបអរសាទរខួបលើកទី 16th ឆ្នាំរបស់ខ្លួន ក៏ដូចជាខួបទី 5th នៃការផ្លាស់ប្តូរការដឹកនាំថ្មីរបស់ក្រុមហ៊ុននេះផងដែរ។

ជាមួយគ្នានេះ នៅក្នុងព្រឹត្តិការណ៌ខាងលើនេះ ក្រុមហ៊ុន Denza ក៏បានបញ្ចេញនូវ Denza N9 Flash Charging នៅថ្ងៃទី 18 ខែឧសភានេះផងដែរ ដោយម៉ូដែលថ្មីនេះ ត្រូវបានក្រុមហ៊ុនធ្វើការដាក់អោយប្រើប្រាស់នូវថាមពលអាគុយថ្មី និងបច្ចេកវិទ្យាសាកថ្មី Flash Charging ecosystem របស់ BYD ដួចគ្នា។ ការពង្រឹងទៅលើបច្ចេកវិទ្យាថ្មីៗទាំងនេះ គឺធ្វើឡើងស្របពេលដែលការលក់រថយន្តរបស់ BYD មានការកើនឡើងវិញបន្តិចការលពីខែមេសានេះ បន្ទាប់បពីក្រុមហ៊ុនធ្វើការកែសម្រួលទៅលើថាមពលអាគុយថ្មី ហើយនិងបច្ចេកវិទ្យាសាកថ្មីៗទៅលើរថយន្តថ្មីៗរបស់ខ្លួន។ ជាមួយនិងវត្តមាននៅពេលនេះ ក្រុមហ៊ុនក៏មានការដាក់អោយ Pre-sales ផងដែរ ដោយឡាននេះ មានតម្លៃ 450,000 យ៉ន់ ទៅ 500,000 យ៉ន់ ដែលប្រហែលជា 66,200 ដុល្លារ ទៅ 73,500 ដុល្លារ។

សូមជំរាបថា មកដល់ពេលនេះ Denza បានចេញនូវឡាន 6 ម៉ុដែលហើយសម្រាប់ប្រទេសចិន ដែលនៅក្នុងនោះ រួមមានដូចជា N7, N8L និង N9 ហើយនិង D9 MPV រួមជាមួយនិង Z9 Sedan ក៏ដូចជា Z9 GT shooting brake។ ហើយថ្មីៗនេះ ក្រុមហ៊ុន Denza ក៏ត្រៀមចេញនូវ Fangchengbao (FCB) ដែលជាបងប្អូនរបស់ខ្លួន ដែលមាន Bao 5 និង Bao 8 ទៅជា Denza B5 និង B8 សម្រាប់ទីផ្សារសកលផងដែរ។

N9 គឺជាឡាន SUV ខ្នាតធំ ដែលមានការប្រើប្រាស់នូវ BYD e3 platform ហើយនិងមានការបំពាក់នូវជំនួយការបើកបរ God’s Eye 5.0 assisted driving ហើយនិងប៊ូម DiSus-A active suspension។ ឡាននេះមានប្រវែង 5,285mm ទទឹង 2,030mm កំពស់ 3,125mm ហើយនិងគម្លាតកង់មុខក្រោយ 3,125 mm។ ថ្មីៗនេះ ក្រុមហ៊ុនក៏ទើបតែប្រកាសចេញ Z9 GT សម្រាប់ទីផ្សារអឺរ៉ុបផងដែរ ដោយមានតម្លៃ 115,000 យូរ៉ូ ដែលប្រហែលជា 134,000 ដុល្លារ ហើយម៉ូដែលនេះ ក៏ក្លាយជាគូរប្រជែងជាមួយនិងឡានទំនើបៗនៅអឺរ៉ុបដូចជា Porsche ផងដែរ។