ថ្មីៗនេះ Seal 06 EV ដែលជាឡានអគ្គិសនីរបស់ក្រុមហ៊ុន BYD ត្រូវបានគេប្រទះឃើញបង្ហាញខ្លួននៅលើបញ្ជី MIIT របស់ប្រទេស ចិនហើយ ដោយមានជម្រើសពីរម៉ូដែល គឺទំហំអាគុយ 46.08kWh និង 56.6kWh មានសមត្ថភាពអាចរត់បានចម្ងាយផ្លួវ 470km និង 545km តាមរយៈស្តង់ដារ (CLTC)។ បញ្ជីខាងលើនេះ បញ្ជាក់ទៀតថា រថយន្តថ្មីនេះ គឺមានទម្ងន់ចាប់ពី 1670kg ទៅ 1800kg។ ជាមួយនិងការប្រើប្រាស់ជម្រើសអាគុយថ្មីនេះ រថយន្តនេះត្រូវបានក្រុមហ៊ុនតម្លើងជាមួយម៉ូទ័រអគ្គិសនីកម្លាំង 160kW ស្មើរនឹង 215 សេះ ខណៈដែលម៉ូដែលតូចជាងគេ គឺប្រើប្រាស់ម៉ូទ័រអគ្គិសនីកម្លាំង 110kW ស្មើរនិង 148 សេះ និថរត់បានល្បឿន 160km/h។

នៅក្នុងនាមជារថយន្តអគ្គិសនី mid-size sedan រថយន្តស៊េរីថ្មីម៉ូដែល BYD Seal 06 EV គឺមានប្រវែង 4720/1880/1495 mm និងមានគម្លាតកង់មុខក្រោយប្រវែង 2820mm ប្រៀបធៀជាមួយនិងម៉ូដែលមុន Seal 06 GT រថយន្តថ្មីនេះ គឺមានតួខ្លួនវែងជាង 90mm និងកំពស់ខ្ពស់ជាង 5mm។ ប៉ុន្តែបើមើលទៅលើរូបរាងរថយន្ត Seal 06 EV នេះ គឺមានតួខ្លួន អាគុយអគ្គិសនី និងសមត្ថភាពបើកបរ ប៉ុនគ្នាជាមួយនិងម៉ូដែល Qin L EV អញ្ចឹង។ អ្វីដែលពិសេសនោះ គឺវាប្រើប្រាស់នូវប្រព័ន្ធដូចគ្នាតែម្តង។

រថយន្ត Seal 06 EV ថ្មីនេះ នៅតែបន្តការឌីស្សាញរូបរាងដូចគ្នាជាមួយនិងស្ថាបត្យកម្ម “ocean aesthetics” ដែលមាននៅលើរថយន្ត BYD ជាច្រើនទៀតដដែល។ ចំណុចដែលមានការផ្លាស់ប្តូររវាង Seal 06 DM-i plug-in hybrid និងរថយន្តថ្មីនេះ គឺក្រុមហ៊ុននេះ សម្រេចប្រើប្រាស់នូវ BYD logo ថ្មីជំនួសអោយពាក្យចាស់ Build Your Dream។ រថយន្ត Seal 06 EV ត្រូវបានគេបញ្ជាក់ថា មានការប្រើប្រាស់នូវជំនួយការបើកបរ BYD “God’s Eye” C intelligent driving system ដែលគ្រប់គ្នាស្គាល់ថា DiPilot 100 ផងដែរ។ ផ្នែកខាងមុខនៃរថយន្តនេះ គឺមានការប្រើប្រាស់នូវកាមេរ៉ា 3 គ្រាប់។ ថ្មីៗនេះ BYD Seal 06 series មាន 4 ម៉ូដែលហើយនៅលើទីផ្សារ ក្នុងនោះមានដូចជា Seal 06 DM-i និង Seal 06 GT ជាដើម។