យោងតាមការចេញផ្សាយព័ត៌មានថ្មីនៅពេលនេះបាននិយាយថា ពានរង្វាន់ World Car 2025 បានរកឃើញម្ចាស់ហើយ ដោយអ្នកឈ្នះនៅឆ្នាំថ្មីនេះ គឺជារថយន្តអគ្គិសនីរបស់កូរ៉េខាងត្បូង Kia EV3 compact crossover។ ការទទួលបាននូវពានរង្វាន់នេះ គឺមានការប្រកួតប្រជែងជាមួយនិងដៃគូរជាច្រើនរួមមានដូចជា BMW X3 និង Hyundai Inster ដែលគេស្គាល់ថា គឺជា Casper Electric ថែមទៀតផង។ អ្វីដែលគួរអោយចាប់អារម្មណ៌មួយទៀតនោះ គឺជាឆ្នាំមួយជាប់គ្នា ដែលរថយន្តរបស់ក្រុមហ៊ុន Kia គឺជាអ្នកដែលទទួលបាននូវពានរង្វាន់នេះ។

សូមជំរាបថា កាលពីឆ្នាំមុននេះ ក្រុមហ៊ុនផលិតរថយន្តដ៏ធំរបស់កូរ៉េខាងត្បូងមួយនេះ ក៏បានឈ្នះនូវពានរង្វាន់នេះផងដែរ ដោយរថយន្តដែលគ្រងដំណែងនោះគឺជាម៉ូដែល Kia EV9 ហើយមុននេះ រថយន្តរបស់ក្រុមហ៊ុននេះម៉ូដែល Kia Telluride ក៏ធ្លាប់បានទទួលពានរង្វាន់នេះកាលពីឆ្នាំ 2021 ផងដែរ។ មកដល់ពេលនេះ គឺមានរថយន្តរបស់ក្រុមហ៊ុនផលិតរថយន្តកូរ៉េខាងត្បូងចំនួន 6 ហើយដែលទទួលបានពាននេះ គិត្រឹមរយៈពេល 21 ឆ្នាំនៃការបង្កើតពាននេះមក។

គួរបញ្ជាក់ថា Kia EV3 ទទួលបាននូវពានរង្វាន់នេះ គឺមានការប្រកួតប្រជែងជាមួយនិងរថយន្តជាង 52 ម៉ូដែលផ្សេងទៀតមកពីទីផ្សារជុំវិញពិភពលោក។ សម្រាប់លក្ខណ្ឌដែលនឹងទទួលបាននេះ គឺទាល់តែរថយន្តនេះ មានការផលិតចេញយ៉ាងតិចចំនួន 10,000 គ្រឿងនៅក្នុងមួយឆ្នាំ ហើយថែមទាំងមានតម្លៃទាបជាងរថយន្តប្រណិតៗនៅលើទីផ្សារ ជាពិសេសនោះ គឺមានដាក់លក់នៅលើទីផ្សារធំៗយ៉ាងតិច 2 ដែលមានដូចជា (ចិន, អឺរ៉ុប, ឥណ្ឌា, ជប៉ុន, កូរ៉េខាងត្បូង, អាមេរិកាឡាទីន និងអាមេរិកាំងជាដើម) ។ នៅចន្លោះពីថ្ងៃទី 1 ខែមករាឆ្នាំ 2024 ដល់ដំណាច់ខែមីនាឆ្នាំ 2025។