កាលពីឆ្នាំមុននេះ នៅក្នុងព្រឹត្តិការណ៍តាំងពិពរណ៍ Geneva Motor Show ក្រុមហ៊ុនផលិតរថយន្ត Aiways ដែលមានមូលដ្ឋាននៅក្នុងទីក្រុងស៊ាងហៃ បានបង្ហាញនូវរថយន្តអគ្គិសនីរបស់ខ្លួនចំនួន 2 គឺរថយន្ត RG Nathalie supercar និង U5 midsize crossover។ សម្រាប់រថយន្ត RG Nathalie នេះ គឺមិនទាន់ចាប់ផ្តើមធ្វើការផលិតនៅឡើយទេ ប៉ុន្តែសម្រាប់រថយន្ត U5 គឺគ្រោងនឹងដាក់លក់នៅក្នុងទីផ្សាររបស់អ៊ឺរ៉ុបនៅក្នុងពេលដ៏ខ្លីខាងមុខនេះ។ ក្រុមហ៊ុនផលិតរថយន្តពេលនេះគឺត្រៀមខ្លួនរួចរាល់ហើយនៅក្នុងការដំណាក់កាលនៃការអភិវឌ្ឍផលិតជំហានបន្ទាប់នោះ។
រថយន្តនេះគ្រោង នឹងប្រកាសបង្ហាញខ្លួននៅខែក្រោយនេះ នៅក្នុងព្រឹត្តិការណ៍ពិពរណ៍រថយន្ត Geneva Motor Show 2020 ដែលរថយន្តអគ្គិសនី Aiways U6ion electric crossover coupe នឹងបង្ហាញខ្លួន។ សម្រាប់រថយន្ត U6ion នេះគឺមាន Platform ដូចគ្នាទៅនឹងរថយន្ត U5 ប៉ុន្តែវាមានការឌីស្សាញដែលមានលក្ខណៈស៊ិចស៊ីជាង។ សម្រាប់ការឌីស្សាញនេះគឺស្ថិតនៅក្រោមការដឹកនាំរបស់លោក Ken Okuyama ដែលជាអតីតអ្នកឌីស្សាញរបស់ Pininfarina និងអ្នកបង្កើតនូវការឌីស្សាញរបស់រថយន្ត Ferrari Enzo ថែមទៀត។ ពេលនេះ គាត់ក្លាយជាប្រធានផ្នែកប្រឹក្សាយោបល់ទៅលើការឌីស្សាញ និងសិល្បៈជាច្រើនសម្រាប់ម៉ាកយីហោរបស់ចិននេះផងដែរ។
តាមការបញ្ជាក់របស់ប្រធានផ្នែកឌីស្សាញក្នុងពេលបច្ចុប្បន្ននេះគឺលោក Dongfei Luo បញ្ជាក់ថា គំនូសព្រាងរបស់រថយន្តU6ion នេះគឺជាប្រភេទរថយន្ត crossover coupe ហើយរថយន្តនេះគឺមានរូបរាងយ៉ាងស្រស់ស្អាតទាក់ទាញខ្លាំងក្លាមែនទែន។ រថយន្តនេះនឹងទាក់ទាញនូវអ្នកប្រើប្រាស់នូវរថយន្តតូចៗជាច្រើនដែលស្វែងរកនូវរថយន្ត SUV ដែលប្រើប្រាស់នូវអគ្គិសនីទាំងស្រុងនោះ។
សម្រាប់រថយន្ត U6ion នេះអាចនឹងមានការផលិតបានល្បឿនដល់ទៅ 185 សេះ ដែលអាចធ្វើដំណើរបានចម្ងាយដល់ទៅ 285 ម៉ាយ៍។ សម្រាប់រថយន្តនេះក៏មានភ្ជាប់ជាមួយនឹងថាមពលថ្ម AI ដែលអាចបន្តបានចម្ងាយ 62 ម៉ាយ៍ថែមទៀតផង។
រថយន្ត U6ion នេះ គឺជាគំនិតនៃការឌីស្សាញសម្រាប់ការសិក្សាប៉ុណ្ណោះ ហើយវាក៏ប្រហែលជាធ្វើការផលិតទ្រង់ទ្រាយធំសម្រាប់ពេលអនាគតផងដែរ។ វាមិនមានអ្វីដែលគួរអោយភ្ញាក់ផ្អើលនោះសម្រាប់ការផលិតនាពេលឆាប់ៗនេះ ជាពិសេសនៅពេលនេះសម្រាប់រថយន្ត EV SUV coupe គឺមានការកើនឡើងខ្លាំងក្លាមែនទែន។ រថយន្ត Tesla Model Y គឺជាម៉ូឌែលថ្មីដែលនឹងមានការប្រកួតប្រជែងខ្លាំងនៅលើទីផ្សារ ហើយពេលនេះរថយន្ត Ford Mustang Mach-E ក៏ត្រៀមខ្លួនក្នុងការប្រកួតប្រជែងជាមួយនឹងរថយន្តថ្មីរបស់ Tesla នេះផងដែរ។ រថយន្តនេះ នឹងដាក់លក់នៅទីផ្សារជាច្រើនរបស់អ៊ឺរ៉ុបនៅឆ្នាំក្រោយនេះ៕
