កាលពីចុងឆ្នាំ 2019 កន្លងទៅនេះ ក្រុមហ៊ុនផលិតរថយន្ត Honda បានបញ្ចេញនូវរថយន្ត Jazz ស៊េរីថ្មីរបស់ខ្លួននៅក្នុងទីផ្សាររបស់អ៊ឺរ៉ុប ហើយរថយន្តនេះ ត្រូវបានគេរំពឹងថា នឹងដាក់លក់នៅក្នុងទីផ្សាររបស់សហរដ្ឋអាមេរិក ដែលមានឈ្មោះថា រថយន្ត Honda Fit។ សម្រាប់ការឌីស្សាញរបស់រថយន្តនេះ មើលទៅ គឺពិតជាស្រស់ស្អាតគួរអោយស្រឡាញ់មែនទែន ហើយយើងពិតជារំភើបណាស់នៅពេល ដែលបានឃើញរថយន្តម៉ូឌែល Honda Fit 2020 នេះ។
ក្រុមហ៊ុនបានបញ្ជាក់ថា នេះគឺជារថយន្តប្រភេទ hatchbacks ដែលមានរូបរាងតូចស្រស់ស្អាតទាក់ទាញបំផុត ហើយវាគឺជារថយន្តដែលមានការពេញនិយមការលក់ខ្លាំងនៅក្នុងសហរដ្ឋអាមេរិក។ ក្រុមហ៊ុនផលិតរថយន្ត Honda លក់រថយន្ត Fit នេះបានចំនួន 35,414 គ្រឿងនៅក្នុងឆ្នាំ 2019 ដែលវាមានការធ្លាក់ចុះខ្លាំងនៅក្នុងឆ្នាំ 2009 នៅពេលដែលរថយន្តនេះលក់បានចំនួន 79,794 គ្រឿងនោះ។
សម្រាប់រថយន្ត HR-V គឺលក់បានចំនួន 99,104 គ្រឿងនៅក្នុងឆ្នាំ 2019។ យោងតាម CarBuzz បានបញ្ជាក់ នៅក្នុងការប្រកាសបង្ហាញនូររថយន្ត CR-V Hybrid 2020 នេះ អោយដឹងថា “ក្រុមហ៊ុន Honda គឺមិននិយាយអំពីរថយន្ត Fit នៅឡើយទេ។”
សម្រាប់រថយន្ត Jazz ស៊េរីថ្មីនេះ គឺនឹងប្រើប្រាស់នូវម៉ូទ័រ hybrid system ចំនួន 2 ដែលស្រដៀងគ្នាទៅនឹងរថយន្ត Honda ដែលបានលក់នៅក្នុងសហរដ្ឋអាមេរិកផងដែរ។ ដំណឹងនេះ ប្រហែលជាមិនមែនជារឿងល្អនោះទេ សម្រាប់រថយន្តម៉ូឌែល Honda e ដែលជារថន្តអេឡិចត្រូនិច ដែលបានបង្ហាញខ្លួនកាលពីឆ្នាំមុននេះ។ សមាជិកថ្មីនៃក្រុមការងារផលិតរបស់ក្រុមហ៊ុន Honda បាននិយាយថា រោងចក្រ Marysville, Ohio គឺបានចំណាយការវិនិយោគយ៉ាងច្រើនទៅលើរថយន្តអេឡិចត្រូនិចនេះ។
រឿងនេះ គឺបង្ហាញថា ក្រុមហ៊ុន Honda នៅតែផ្តោតក្នុងការនាំយកនូវរថយន្តអេឡិចត្រូនិចទៅក្នុងទឹកដីរបស់សហរដ្ឋអាមេរិកនោះ។ ប៉ុន្តែវាប្រហែលជាមិនមែនជារថយន្ត Honda e ទេ។