Huawei នឹងចូលរួមនៅក្នុងការស្វែងរកដំណោះស្រាយនូវការភិវឌ្ឍន៍នៃរថយន្តឆ្លាតវៃ ជាមួយនឹង HiCharger DC Fast Charging Module ថ្មីរបស់ខ្លួន

រហូតមកដល់ពេលនេះ ក្រុមហ៊ុន Huawei គឺមានការចូលរួមនៅក្នុងឧស្សាហកម្មជាច្រើនដែលមានស្មាតហ្វូន ទូរគមនាគមន៍ និងទូរទស្សន៍ឆ្លាតវៃថែមទៀតផង។ កាលពីប៉ុន្មានថ្ងៃមុននេះ ក្រុមហ៊ុននេះ បានបង្ហាញនូវម៉ូឌុលថ្មី Hauwei HiCharger DC fast charging module របស់ខ្លួននៅថ្ងៃទី 24 ខែមេសានេះ ផងដែរ។ សម្រាប់ម៉ូឌុល charging module ថ្មីនេះ នឹងប្រើប្រាស់នៅក្នុងដំណោះស្រាយនៃហេដ្ឋារចនាសម្ព័ន្ធបញ្ចូលថាមពលឆ្លាតវៃនៅក្នុងកិច្ចសហការជាមួយនឹងនាយកដ្ឋានផ្នែកថាមពលជាច្រើនជាច្រើននៅក្នុងប្រទេសចិនដូចជា Grid (Beijing) និង Xingxing Charging (Changzhou), Nanwang Electric (Shenzhen), China Merchants Sanyou (Beijing), Zhuhai Titan (Zhuhai) និង Dalian Robinson (Dalian) និងជាច្រើនទៀត។

នៅក្នុងការបង្ហាញនូវម៉ូឌុល HiCharger DC fast charging module នេះនឹងក្លាយជាដំណោះស្រាយនៃការបញ្ចូលថាមពលថ្មថ្មីរបស់ក្រុមហ៊ុន Huawei នេះ។ ផលិតផលផ្នែកថាមពលរបស់ក្រុមហ៊ុននេះនឹងផ្តោតទៅលើថាមពលនៃមជ្ឈមណ្ឌលទិន្នន័យ ថាមពលនៅក្នុងទូរគមនាគមន៍ និងថាមពលឆ្លាតវៃ។  នៅក្នុងនាយកដ្ឋានផ្នែកថាមពលឆ្លាតវៃរបស់ក្រុមហ៊ុន Huawei នេះអាចធ្វើការបង្កើតនូវដំណោះស្រាយនៃអេឡិចត្រូនិចសម្រាប់រថយន្តឆ្លាតវៃកម្រិតខ្ពស់ និងស្តង់ដារខ្ពស់ជាមួយនឹងការផ្តល់នូវសមាសភាគជាច្រើនដូចជាការបញ្ចូលថាមពល និង Power Supply ការគ្រប់គ្រងទៅលើថាមពលអគ្គិសនីនិងការគ្រប់គ្រងទៅលើថាមពលថ្ម។

ប្រសិនបើក្រុមហ៊ុន Huawei នេះបន្តនៅក្នុងការពង្រឹងទៅលើដំណោះស្រាយនៃការបញ្ចូលថាមពលថ្មនេះដូចជាម៉ូឌុល HiCharger DC fast charging module ក្រុមហ៊ុននេះអាចនឹងក្លាយជាដំណោះស្រាយឆ្លាតវៃនៃការបញ្ចូលថាមពលនៅក្នុងរថយន្តនៅក្នុងរយៈពេលប៉ុន្មានឆ្នាំនេះចាប់ពីពេលនេះ យ៉ាងហោចណាស់ក៏នៅក្នុងប្រទេសចិនផងដែរ។ បន្ថែមពីលើដំណោះស្រាយនៃការបញ្ចូលថាមពលថ្មនេះ ក្រុមហ៊ុននេះ ក៏បង្ហាញនូវប្រព័ន្ធទំនាក់ទំនងឆ្លាតវៃរបស់ខ្លួនដែលមានឈ្មោះហៅថា HiCar កាលពីចុងឆ្នាំមុននេះផងដែរ។ មុខងារនេះ នៅក្នុងកម្មវិធី EMUI mobile software របស់ក្រុមហ៊ុននេះ ហើយវាក៏ដំណើរការនៅក្នុងស្មាតហ្វូន Mate 30 series ផងដែរ៕