បរទេស៖ ថ្មីៗនេះ យោងតាមការចេញផ្សាយរបស់ Carbuzz បានអោយដឹងថា ក្រុមហ៊ុន Ford កំពុងតែត្រៀមខ្លួនក្នុងការបញ្ចេញនូវរថយន្ត Ford Trucks ស៊េរីថ្មីជាច្រើនរបស់ខ្លួននៅក្នុអាមេរិកខាងជើង ដោយម៉ូដែលថ្មីៗទាំងនោះអាចជារថយន្ត Ford Courier ឬ Ranchero ដែលរថយន្ត Truck ប្រភេទ Compact ទាំងនេះ គឺពិតជាមានរូបរាងទាក់ទាញខ្លាំងមែនទែនក្នុងការប្រើប្រាស់។
ប្រភពដដែលបានបន្តថា ក្រុមហ៊ុន Ford ក៏បានធ្វើការបង្កើតទីផ្សារសម្រាប់រថយន្ត Ford Courier pickup របស់ខ្លួន នៅក្នុងទីផ្សារជាច្រើននៅក្រៅសហរដ្ឋអាមេរិកផងដែរ។ បើតាមការបញ្ជាក់ពី Motor Trend ដែលបានធ្វើការរាយការណ៍កន្លងមកនោះ គឺថា នេះ មិនមែនជាអ្វីដែលក្រុមហ៊ុន Ford នឹងធ្វើការដាក់លក់នៅក្នុងសហរដ្ឋអាមេរិកនោះទេ។ ក្រុមហ៊ុន Ford មានគោលបំណងនាំយកនូវរថយន្ត Pickup ខ្នាតតូចរបស់ខ្លួនឈ្មោះថា Ford Bronco Sport តែមួយប៉ុណ្ណោះសម្រាប់ទីផ្សារនៅសហរដ្ឋអាមេរិក។
រថយន្តនេះ គឺមានរូបរាងខុសគ្នាទៅនឹងម៉ូឌែល Ford Ranchero ដែលជាប្រភេទរថយន្ត Pickup ប្រភេទ Compact។ សម្រាប់រថយន្ត Ford Courier ឬ Ranchero ដែលមានទីផ្សារស្រាប់នៅក្នុងទីផ្សាររបស់សហរដ្ឋអាមេរិក ត្រូវបានគេរំពឹងថា នឹងប្រើប្រាស់នូវម៉ាស៊ីន Turbocharged 1.5L 3 ស៊ីឡាំង គឺមិនសូវជាខុសគ្នាពីរថយន្ត Ford Escape នោះទេ។ រថយន្តនេះ គឺមានកម្លាំងម៉ាស៊ីនចាប់ពី 180 សេះ និង 250 សេះ ។
សម្រាប់ផ្នែកផលិតកម្មរបស់រថយន្តនេះ គឺអាចនឹងធ្វើឡើងនៅក្នុងប្រទេសម៉ិកស៊ិក ដែលប្រទេសនេះ គឺជាកន្លែងដែលធ្វើការផលិតរថយន្ត Ford Bronco Sport ផងដែរ។ រថយន្តនេះ អាចនឹងបង្ហាញខ្លួននៅឆ្នាំក្រោយនេះ ក្នុងនាមជាម៉ូឌែលឆ្នាំ 2022។ បើនិយាយអំពីតម្លៃវិញនោះ សម្រាប់រថយន្ត Compact Pickup ថ្មីរបស់ក្រុមហ៊ុន Ford នេះ គឺមានតម្លៃថោកជាងរថយន្ត Ford Ranger ដែលមានតម្លៃ $19,000ទៅ $20,000។ រថយន្តនេះ ត្រូវបានគេព្យាករណ៍ថា នឹងមានតម្លៃថោកជាងរថយន្ត Honda Ridgeline ថែមទៀតផង៕