.jpg)
សព្វថ្ងៃនេះ ដោយសារតែបច្ចេកវិទ្យាកាន់តែទំនើប បានធ្វើអោយរថយន្តជាច្រើនកាន់តែមានសុវត្ថិភាពក្នុងការប្រើប្រាស់ មិនថា រថយន្តនេះ គឺជាប្រភេទម៉ូឌែលរថយន្តតូចនោះទេ ឬជារថយន្ត ដែលចេញពីក្រុមហ៊ុនផលិតរថយន្តដែល មិនប្រណិតក៏ដោយ។ ក្រុមហ៊ុន Kia ថ្មីៗនេះ បានអះអាថា ខ្លួនមានរថយន្តជាច្រើន ដែលទទួលបាននូវការចាត់ចំណាត់ថ្នាក់ Top Safety Pick (TSP) និង Top Safety Pick+ (TSP+) ចេញពីវិទ្យាស្ថាន Top Safety Pick+ (TSP+) ដែលនេះ គឺយកឈ្នះក្រុមហ៊ុន Hyundai។ ការទទួលបាននូវ TSP នេះ គឺជាការធានា និងការទទួលបាននូវចំណាត់ថ្នាក់ TSP+ នេះគឺកាន់តែពិបាកដោយសារតែវាត្រូវការនូវតម្រូវការជាច្រើនថែមទៀត។
Toyota RAV4 គឺជារថយន្តដែលលក់ដាច់បំផុតនៅក្នុងសហរដ្ឋអាមេរិក ដែលបន្ទាប់ពីរថយន្ត Ford F-150, Ram 1500 និង Chevrolet Silverado pickup trucks ប៉ុន្តែចុះចំណែកប្រព័ន្ធសុវត្ថិភាព នៅពេលដែលរថយន្តនេះ បុកគ្នានោះ? វិទ្យាស្ថាន IIHS ថ្មីៗនេះ ក៏ធ្វើការតេស្ត៍ទៅលើរថយន្ត RAV4 ឆ្នាំ 2019 ហើយដូចអ្វីដែលអ្នករំពឹងទុកចេញពីរថយន្តដែលលក់ដាច់បំផុតនៅក្នុងសហរដ្ឋអាមេរិកនេះ លទ្ធផលនោះ គឺពិតជាល្អមែនទែន។
វិទ្យាសា្ថន IIHS នេះ ក៏បានផ្តល់នូវរង្វាន់ RAV4 2019 ជាមួយនឹងចំណាត់ថ្នាក់ TSP+ ដែលជាចំណាត់ថ្នាក់ខ្ពស់បំផុតផងដែរ។ សម្រាប់រថយន្ត RAV4 Hybrid Limited trim level ទទួលបាននូវការចាត់ចំណាត់ថ្នាក់ល្អ ខណៈពេលដែលរថយន្ត gas trims និង hybrid trims ទទួលបានត្រឹមតែចំណាត់ថ្នាក់មិនសូវល្អនោះទេ។ RAV4 គឺមិនមែនជារថយន្តតែមួយគត់នោះទេ ដែលទទួលបាននូវការត្រួតពិនិត្យពីវិទ្យាស្ថាន IIHS ទៅលើតម្រូវការនៃអំពូលមុខរបស់វានោះ។
ថ្មីៗនេះ សម្រាប់រថយន្ត Kia Telluride ក៏មិនទាន់ទទួលបាននូវចំណាត់ថ្នាក់ TSP+ ដោយសារតែភ្លើងអំពូលខាងមុខរបស់វា។ ភ្លើងអំពូលខាងមុខនេះ គឺក្លាយជាការព្រួយបារម្ភទៅលើប្រព័ន្ធសុវត្ថិភាពនៅក្នុងអ៊ឺរ៉ុប ដោយសារតែវា គឺជាតម្រូវការតាមច្បាប់របស់ប្រទេសនេះ។ ក្រៅពីភ្លើងអំពូលខាងមុខនេះ រថយន្ត RAV4 ក៏ទទួលបាននូវចំណាត់ថ្នាក់ល្អនៅក្នុងគ្រប់ categories ផ្សេងទៀត ហើយវាគឺជារថយន្តមួយនៅក្នុងចំណោមរថយន្ត SUVs តូចចំនួន 6 ដែលទទួលបាននូវចំណាត់ថ្នាក់ TSP+ នេះដែលរួមមានរថយន្ត Mazda CX-5, Subaru Forester, Hyundai Tucson, Hyundai Kona និង Volvo XC40 ។ រថយន្ត RAV4 នេះក៏ទទួលបាននូវផ្កាយ 5 ពី រដ្ឋបាលសុវត្ថិភាពចរាចរណ៍ផ្លូវហាយវ៉េជាតិ (National Highway Traffic Safety Administration) ផងដែរ៕
