នៅពេលនេះ ប្រហែលជាមិនមានអ្វីដែលគួរអោយភ្ញាក់ផ្អើលនោះទេដែលក្រុមហ៊ុនផលិតរថយន្ត Ford កំពុងតែធ្វើការនៅលើរថយន្តស៊េរីថ្មី Crossover ដែលមានសមត្ថភាពខ្លាំងក្លាដែលជាការជម្រុញដោយរថយន្ត Mustang។ សម្រាប់រូបភាព Render ថ្មីចុងក្រោយបំផុតរបស់រថយន្តនេះ ពិតជាស្រស់ស្អាតមិនធម្មតានោះទេ ដែលធ្វើអោយអ្នកគាំទ្រជាច្រើននឹងរីករាយជាមួយនឹងវត្តមានរបស់រថយន្តនេះជាក់ជាមិនខាន។
សម្រាប់រថយន្តនេះ គឺជាការឌីស្សាញចេញពីស្ទូឌីយោរបស់ Kleber Silva ដែលរូបរាងនៃរថយន្ត Crossover នេះ គឺជាការជម្រុញចេញពីរថយន្ត Mustang តែម្តង។ រថយន្តស៊េរីថ្មីនេះគឺមានឆ្នូតពណ៌ខៀវដែលផ្អែកទៅលើរថយន្ត Ford crossover Puma ដែលក្រុមហ៊ុនរថយន្ត Ford នេះ បានបង្ហាញវានៅក្នុងទីផ្សាររបស់អ៊ឺរ៉ុបនោះ។ សម្រាប់គម្រោងនេះ គឺមានឈ្មោះថា Mach E ដែលមានការឌីស្សាញប្លែកស្រស់ស្អាតបំផុត។
សម្រាប់រូបភាព Renders ពណ៌ក្រហមមួយទៀត ក៏មានការបង្ហាញរូបរាងរបស់រថយន្តស៊េរីថ្មីនេះដែលផ្អែកទៅលើរថយន្ត Mercedes GLE Coupe នោះ។ ចាប់តាំងពីក្រុមហ៊ុន Porsche ដាក់លក់រថយន្ត Cayenne រួចមក ក្រុមហ៊ុនផលិតរថយន្តជាច្រើនក៏បញ្ចេញនូវរថយន្ត Crossovers ជាច្រើនម៉ូឌែលដែលមានសមត្ថភាពខ្លាំងក្លាដូចជារថយន្ត Lamborghini និង Maserati ជាមួយនឹង Aston Martin និង Ferrari ក៏ត្រៀមខ្លួនបញ្ចេញនូវរថយន្តជាច្រើនម៉ូឌែលតាមក្រោយផងដែរ៕