.jpg)
បច្ចុប្បន្ននេះ ក្រុមហ៊ុនផលិតរថយន្ត Ford ទើបតែនាំយកនូវរថយន្តស៊េរីថ្មី Ranger នៅក្នុងទីផ្សាររបស់សហរដ្ឋអាមេរិក ដែលមានម៉ាស៊ីនទំហំ 2.3-liter EcoBoost 4-ស៊ីឡាំង។ បើទោះបីជារថយន្ត Ranger ហាក់ដូចជាថ្មីសម្រាប់ទីផ្សារនៅក្នុងសហរដ្ឋអាមេរិកក៏ពិតមែន បន្ទាប់ពីការចាកចេញនៅក្នុងឆ្នាំ 2019 និងការវិលត្រឡប់មកវិញនៅក្នុងឆ្នាំ 2019 នោះ អ្វីដែលយើងមាននៅពេលនេះ គឺការធ្វើបច្ចុប្បន្នភាពទៅលើទីផ្សារចាប់ពីឆ្នាំ 2015។ នេះគឺមានន័យថា រថយន្ត Ranger ជំនាន់ថ្មីជិតត្រៀមបង្ហាញខ្លួនហើយ។
ក្រុមហ៊ុនផលិតរថយន្ត Ford បានធ្វើការរួចរាល់ហើយទៅលើរថយន្តស៊េរីថ្មីនេះ នេះបើតាមការបញ្ជាក់របស់ Which Car នៅក្នុងប្រទេសអូស្រា្តលី ហើយកម្លាំងម៉ាស៊ីនថ្មីនេះពិតជាស្របទៅតាមអ្វីដែលអ្នកប្រើប្រាស់នៅសហរដ្ឋអាមេរិកចង់បានជាក់ជាមិនខាន។ តាមការបញ្ជាក់របស់ប្រភពនេះ រថយន្ត Ford ស៊េរីថ្មីនេះនឹងមានកម្លាំងម៉ាស៊ីន 2 ផ្សេងគ្នាសម្រាប់ធ្វើការជ្រើសរើសទៅតាមតម្រូវការជាក់ស្តែង។ ប្រភពនេះអះអាងថា ក្រុមហ៊ុនផលិតរថយន្ត Ford កំពុងតែធ្វើការតេស្តទៅលើកម្លាំងម៉ាស៊ីនម៉ាស៊ូត turbocharged 3.0-liter V6 Power Stroke និងម៉ាស៊ីនប្រើប្រាស់សាំង Twin-Turbocharged 2.7-Liter Gasoline-Powered V6 សម្រាប់ការប្រើប្រាស់នៅលើរថយន្ត Ranger ស៊េរីថ្មីនេះ។
សម្រាប់ផ្នែកម៉ាស៊ីនរបស់រថយន្តនេះ គឺល្អប្រើប្រាស់មានសន្ទុះខ្លាំងក្លាថែមទៀត។ ជាមួយនឹងម៉ាស៊ីន Twin-Turbocharged 2.7-liter V6 គឺពិតជាគួរអោយចាប់អារម្មណ៍ខ្លាំងមែនទែន។ សម្រាប់ម៉ាស៊ីននាពេលបច្ចុប្បន្ននេះ 2.3-liter EcoBoost 4 ស៊ីឡាំងគឺមានកម្លាំងត្រឹមតែ 270 សេះ និងកម្លាំងរមួលត្រឹមតែ 310 lb-ft ។ មួយវិញទៀត សម្រាប់កម្លាំងម៉ាស៊ីនបច្ចុប្បន្ន 2.7-liter turbocharged V6 engine នេះ ក្រុមហ៊ុន Ford គឺប្រើប្រាស់នៅលើរថយន្ត F-150 ដែលមានកម្លាំង 325 សេះ និងកម្លាំងរមួល 400 lb-ft ថែមទៀតផង។
សម្រាប់រថយន្ត Ranger នេះគឺមានការសន្ទុះខ្លាំងក្លានៅក្នុងទីផ្សារនាពេលបច្ចុប្បន្ននេះ ហើយវាក៏មានការអាប់ដេតទៅលើរូបរាង និងកម្លាំងម៉ាស៊ីនរបស់វាផងដែរដែលនេះគឺជាអ្វីដែលអ្នកប្រើប្រាស់ចង់បាន។ រថយន្ត V6 Ranger ប្រើប្រាស់សាំងនេះនឹងក្លាយជារថយន្តដែលមានកម្លាំងខ្លាំងក្លាក្នុងការប្រើប្រាស់ជាងរថយន្ត Truck នៅក្នុងប្រទេសអូស្រា្តលី ប៉ុន្តែវាត្រូវបានអភិវឌ្ឍសម្រាប់ទីផ្សារនៅក្នុងសហរដ្ឋអាមេរិកទៅតាមតម្រូវការរបស់ប្រជាជននៅទីនេះផងដែរ។ សម្រាប់ម៉ាស៊ីនម៉ាស៊ូត 3.0-Liter Turbocharged ក៏នឹងបង្ហាញខ្លួនឆាប់ៗនេះ នៅក្នុងប្រទេសអូស្រា្តលី និងសហរដ្ឋអាមេរិកផងដែរ៕
