កាលពីថ្ងៃទី 29 ខែឧសភាកន្លងទៅនេះ រថយន្តឆ្លាតវៃអគ្គិសនី Smart Selection SERES SF5 ដែលជាសមិទ្ធិផលថ្មីរបស់ Huawei បានចាប់ផ្តើមដឹកជញ្ជូនទៅកាន់អតិថិជនរបស់ខ្លួនហើយ ដែលព្រឹត្តិការណ៍នេះ ក៏មានការរៀបចំនៅក្នុងរោងចក្រ Chongqing Liangjiang នៅក្នុងប្រទេសចិនផងដែរ។ នៅទីបំផុត សម្រាប់អ្នកដែលបានធ្វើការទន្ទឹងរង់ចាំរថយន្តនេះជាយូរហើយនោះបានទទួលនូវរថយន្តរបស់ពួកគេហើយ។
តាមការបញ្ជាក់របស់ក្រុមហ៊ុននេះ បានអោយដឹងថា រថយន្តម៉ូឌែល SERES SF5 នេះ មានការកម្មង់បញ្ជាទិញជាង 10,000 គ្រឿង ហើយរថយន្តចំនួន 6,500 គ្រោងនឹងដឹកជញ្ជូនអោយបានលឿនបំផុតទៅកាន់អតិថិជនរបស់ខ្លួន។ សម្រាប់អតិថិជនដែលបានធ្វើការកម្មង់នៅដើមខែឧសភា ឬចុងខែមេសានេះ នឹងដឹកជញ្ជូននៅចុងខែមិថុនានេះ។ បើនិយាយអំពីតម្លៃរបស់រថយន្ត SF5 Two-Wheel-Drive គឺមានតម្លៃប្រហែលជា 216,800 (34,000 USD) Yuan និងប្រភេទ Four-Wheel-Drive គឺមានតម្លៃ 246,800 Yuan (38,000 USD)។
សូមជំរាបថា រថយន្តនេះ គឺជាកិច្ចសហការរបស់ក្រុមហ៊ុន SERES និង Huawei ដែលបំពាក់នូវបច្ចេកវិទ្យា Huawei smart car technology ដែលក្នុងនោះមានមុខងារ Huawei DriveONE, HiCar, Huawei Sound System និង control methods ផងដែរ។ រថយន្ត SF5 នេះ អាចធ្វើដំណើរបានចម្ងាយ 180Km ហើយវាអាចបើកបានចំងាយដល់ទៅ 1000 គីឡូមែត្រ។ រថយន្តនេះមាន 4 ពណ៌ខាងក្រៅគឺ Zhan Blue. Gilt Black, Titanium Silver Gray និង Peral White ខណៈពេលដែលពណ៌ខាងក្នុងរបស់រថយន្តនេះគឺមានពណ៌ Ivory, Bird feather Red និង Polar Night Black ៕
