Lenovo Flex 5G បង្ហាញខ្លួនជាផ្លូវការនៅអាមេរិកជាមួយនឹងបន្ទះឈីប Snapdragon 8cx 5G និងប្រព័ន្ធប្រតិបត្តិការ windows-10

ដូចអ្វីដែលជាការផ្តល់អោយរបស់ក្រុមហ៊ុន Microsoft និង Samsung នោះ កុំព្យូទ័រ Lenovo Flex 5G នេះ ប្រើប្រាស់នូវបន្ទះឈីប Qualcomm Snapdragon 8cx 5G។ កុំព្យូទ័រយួរដៃថ្មីនេះ មានការទ្រទ្រង់ទៅលើបណ្តាញ Ultra Wideband mmWave 5G NR Network របស់ក្រុមហ៊ុន Verizon រួមជាមួយនឹងបណ្តាញ Sub-6GHz 5G Networks។ ក្រៅពីបច្ចេកវិទ្យា 5G នេះ កុំព្យូទ័រ Lenovo Flex នេះ ក៏ជាកុំព្យូទ័រដែលមានការចាប់អារម្មណ៍ខ្លាំងផងដែរ។ Lenovo Flex 5G មានត្រចៀកបត់ចំនួន 360- ដឺក្រេ និងការទ្រទ្រង់នូវ Touch Input ថែមទៀតផង។

កុំព្យូទ័រនេះ Lenovo Flex 5G គឺមានទម្ងន់ស្រាលត្រឹមតែ 2.97 ផោន និងមានអេក្រង់ទំហំ 14 អ៊ីង ទ្រទ្រង់បាននូវក្នុងកម្រិត 1080p ជាមួយនឹងគែម Bezels ស្តើងនៅជ្រុងទាំង 3 របស់វា។ កុំព្យូទ័រនេះ មានរ៉េមទំហំ 8GB និងម៉េមូរីទំហំ 256GB។ កុំព្យូទ័រនេះ គឺមានរន្ធ USB-C 3.1 ports ចំនួន 2 រន្ធ headphone/microphone និងរន្ធដោតស៊ីម Nano-SIM Slot។ ក្រុមហ៊ុន Lenovo បានប្រើប្រាស់នូវថាមពលថ្ម 60Wh និងអាចប្រើប្រាស់បាន 25 ម៉ោង។ នៅលើ Lenovo Flex 5G ក៏មានប្រព័ន្ធស្កេនក្រយ៉ៅដៃផងដែរ។

កុំព្យូទ័រ Lenovo Flex 5G នេះ បង្ហាញខ្លួននៅក្នុងសហរដ្ឋអាមេរិកនៅថ្ងៃទី 18 ខែមិថុនានេះ នៅក្រុមហ៊ុន Verizon។ អតិថិជនជាច្រើន អាចទិញកុំព្យូទ័រនេះនៅក្នុងតម្លៃ $1,399។ កុំព្យូទ័រ Lenovo Flex 5G នេះ ដាក់លក់នៅក្នុងចក្រភពអង់គ្លេសនៅលើវេបសាយ EE។ នៅក្នុងប្រទេសស្វីស លោកអ្នកអាចរកទិញបាននៅលើ Sunrise ឬលោកអ្នកអាចរកទិញនៅចិនតាមរយៈ China Mobile៕