ថ្មីៗនេះ យោងតាមរបាយការណ៍ថ្មីមួយ ដែលបានផ្សព្វផ្សាយដោយសារព័ត៌មាន Carbuzz បានអោយដឹងថា ការលក់រថយន្តរបស់ក្រុមហ៊ុន Ford Motor នៅក្នុងត្រីមាសទី 2 កន្លងទៅនេះ បង្ហាញថា មានតែរថយន្តប្រភេទ Sport Cars របស់ខ្លួន ប្រភេទ Ford Mustang ប៉ុណ្ណោះ ដែលនៅតែលក់ដាច់ខ្លាំង លើទឹកដីសហរដ្ឋអាមេរិចបើទោះបីជាកូវីដ -19 កំពុង តែរាលដាលខ្លាំងក៏ដោយ។
ប្រភពខាងលើនេះ បានបន្តថា នៅក្នុងរយៈពេល 3 ខែ ដែលគិតចាប់ពីខែ មេសាឧសភា និងមិថុនា កន្លងទៅនេះ រថយន្ត ប្រភេទ Ford Mustang ដ៏មានប្រជាប្រិយភាព គឺបានជាប់ឈ្មោះជារថយន្ត Best-selling sports in the world សឹងមិនគួរឲ្យជឿ។ ពោលគឺ រយៈពេលតែ 3 ខែ នៃការរាតត្បាតដោយវីរុសកូវីដ 19 តែចំនួនលក់របស់ Mustang បែរជាសម្រេចបានរហូតដល់ទៅ 43% នៃចំណែកទីផ្សាររថយន្ត Sport Cars លើទឹកដីអាមេរិច។
សូមជំរាបថា Ford Mustang Shelby GT500 និង Shelby GT350 ត្រូវបានរាយការណ៍ថា នៅតែលក់ដាច់ខ្លាំង ទោះកូវីដធ្វើស៊ីក៏ដោយ។ រថយន្តទាំងពីរនេះ មានការលក់កើនឡើងរហូតដល់ 20% ធៀបនឹងរយៈពេលដូចគ្នា កាលពីឆ្នាំ 2019។ បើធៀបនឹងដៃគូរប្រកួតប្រជែង ដូចជា Chevrolet Camaro ចំនួនលក់បែរជាថយចុះ 47% និង Dodge Challenger ថយចុះ35% ៕
