រថយន្ត Mitsubishi Mirage ឆ្នាំ 2021 បានបង្ហាញវត្តមានហើយ គឺមានតម្លៃត្រឹមតែ 15000 ដុល្លាប៉ុណ្ណោះ

រថយន្ត Mitsubishi Mirage ស៊េរីឆ្នាំ 2021 បានបង្ហាញខ្លួនហើយជាមួយនិងការឌីស្សាញរូបរាងប្លែក និងកាន់តែទំនើបជាងមុន ជាពិសេសតម្លៃត្រឹមតែ 15,000$ (តម្លៃនៅបរទេស) ដែលតម្លៃនេះ គឺប្រហាក់ប្រហែលនឹងតម្លៃឡានពីរបីទឹកនៅស្រុកខ្មែរ ដែលមានអាយុកាលប្រើប្រាស់ជិត 20ឆ្នាំ។ 

ជាមួយនឹងវត្តមានសរបស់រថយន្តនេះ គឺសម្រាប់អ្នក ដែលកំពុងសម្លឹងមើលរថយន្តផលិតនៅប្រទេសជប៉ុន មានបច្ចេកវិទ្យាទំនើប រូបរាងស្រស់ស្អាត និងស៊ីសាំងតិចផងនោះ អាចពិចារណាលើរថយន្ត Mitsubishi Mirage 2021 នេះបាន។ រូបរាងខាងក្រៅ របស់ Mirage ឌីហ្សាញមក បែប Sport បន្តិច តាមរយៈកាងខាងមុខ អំពូលមុខ និងប៉ាណា ជាដើម។ 

ផ្នែកខាងក្នុងរថយន្តនេះ គឺមានអេក្រង់កម្សាន្តបំពាក់មកជាមួយទំហំ 7 អ៊ីញ ដែលអាចប្រើជាមួយមុខងារ Apple CarPlay, Android Auto បានថែមទៀតផង។ ចំណែកឯប្រព័ន្ធសុវត្ថិភាពវិញ កាន់តែទំនើប ដោយមានបំពាក់នូវភ្លើងទំលាក់ហ្វា កូដ ស្វ័យប្រវត្តិ ប្រព័ន្ធចាប់ហ្វ្រាំងអូតូ និងមុខងាររក្សាគន្លងរថយន្តលើដងផ្លូវជាដើម។

ចំពោះម៉ាស៊ីននៅរាងស្ទើគីឡូបន្តិច ព្រោះ Mitsubishi Mirage ឆ្នាំ 2021 បំពាក់មកត្រឹមម៉ាស៊ីនទំហំ 1.2L ស៊ីឡាំង 3 កម្លាំង 78សេះ។ ទោះបីជា មិនមានប្រើបច្ចេកវិទ្យា hybrid ដូចរថយន្តដទៃ ប៉ុន្តែ Mirage ជួយសន្សំសំចៃបានខ្ពស់ 100 Km ស៊ីសាំងត្រឹមតែ 6.5L ប៉ុណ្ណោះ។ បន្ថែមពីនេះ ក៏មានការធានារយៈពេល 5ឆ្នាំ ឬ 60,000 miles ចេញពីក្រុមហ៊ុនថែមទៀតផង៕