ក្រុមហ៊ុន Sony បានបញ្ចេញនូវគំរូរថយន្តអគ្គីសនី Vision-S 02 electric SUV របស់ខ្លួននៅក្នុងព្រឹត្តិការណ៍ CES 2022

នៅក្នុងព្រឹត្តិការណ៍ CES 2022 ថ្មីៗនេះ ក្រុមហ៊ុន Sony បានបញ្ចេញនូវគំរូរថយន្តអគ្គីសនី Vision-S 02 electric SUV របស់ខ្លួន ដែលមើលទៅរូបរាងរបស់រថយន្តថ្មីជំនាន់ទីពីនេះ គឺមានភាពទាក់ទាញមែនទែន និងសក្តិសមជារថយន្ត SUV ពិតៗតែម្តង។ ហើយជាមួយនឹងការបង្ហាញវត្តមាននៅពេលនេះ ក្រុមហ៊ុនបច្ចេកវិទ្យាយក្សរបស់ជប៉ុនមួយនេះ ក៏មានគំរោងនៅក្នុងផលិតចេញនូវអាគុយសម្រាប់រប្រើប្រាស់លើថយន្តអគ្គីសនីនេះ នៅក្នុងអាជីវកម្ម Sony Mobility Inc របស់ខ្លួនផងដែរ។ 

ទាក់ទងនឹងរថយន្តនេះ ក្រុមហ៊ុន Sony បានបញ្ជាក់ថា កាលពីចុងឆ្នា 2020 កន្លងទៅនេះ ខ្លួនបានធ្វើតេស្តសាកល្បងរួចរាល់ហើយទៅលើការបើកបររថយន្តអគ្គីសនីរបស់ខ្លួននេះ នៅលើផ្លូវសាធារណៈជាច្រើននៅទី្វបអឺរ៉ុប។ អ្វីដែលគួរអោយចាប់អារម្មណ៌នៅក្នុងពេលនេះគឺ គំរូរថយន្តនេះ គឺត្រូវបានក្រុមហ៊ុនធ្វើការបំពាក់មកជាមួយនូវសិនស័រទាំងខាងក្នុង និងខាងក្រៅតែម្តង ដោយមានទាំងការប្រើប្រាស់នូវ CMOS imagers និង LiDAR Sensors ជាដើម ដើម្បីបន្ថែមជំនួយសម្រាប់អ្នកបើកបរហើយនិងជួយដល់រថយន្តនេះ មានសមត្ថភាពអាចបន្លឿនការបើកបរដោយស្វ័យប្រវត្តិថែមទៀតផង។ 

ដូចអ្វីដែលគេបញ្ជាក់មុននេះអញ្ចឹង ក្រុមហ៊ុន Sony គឺបាននឹងកំពុងតែពន្លឿនការធ្វើតេស្តទៅលើគ្រប់ផ្នែកទាំងអស់នៃរថយន្តនេះ ដើម្បីធ្វើយ៉ាងណា អោយទទួលបាននូវអជ្ញាប័ណ្ណនៅក្នុងប្រកាសចេញនូវរថយន្តជំនាន់ទីពីរនេះអោយបានឆាប់ ដើម្បីរថយន្តមេះ អាចរត់នៅលើដងផ្លូវសាធារណៈបាន។ 

ហើយបើនិយាយពីផ្នែកខាងក្នុងវិញ រថយន្តអគ្គីសនី Vision-S 02 electric SUV គឺមានការបំពាក់មកជាមួយនូវ ToF Sensors សម្រាប់អ្នកបើកបរងាយស្រួលនៅក្នុងការគ្រប់គ្រង និងស្វែងរកទីតាំងផងដែរ បន្ថែមពីនេះ ក៏មានតម្លើងមកជាមួយនូវមុខងារ Voice commands ទៀតផង។ នៅលើរថយន្តនេះ ក៏មានបំពាក់នូវ 5G connectivity ដើម្បីភ្ជាប់ទំនាក់ទំនងជាមួយនឹងរថយន្តបានគ្រប់ពេលផងដែរ ហើយនឹងភ្ជាប់រថយន្ត តាមរយៈកម្មវិធីបញ្ជាពីចម្ងាយថែមទៀត។

សូមជំរាបថា រថយន្តអគ្គីសនី Vision-S 02 electric SUV គឺនៅតែជាគំរូប៉ុណ្ណោះ គេនៅមិនទាន់ដឹងថា ក្រុមហ៊ុន Sony នឹងផលិតចេញនៅពេលណានោះទេ ប៉ុន្តែគេជឿថា ក្រុមហ៊ុននេះ គឺបាននឹងកំពុងតែដំណើរការលើគម្រោងនេះហើយ ដូច្នេះ គឺរង់ចាំតែឱកាសមួយសម្រាប់ការប្រកាសចេញតែប៉ុណ្ណោះ។