MG Motor ដែលជាក្រុមហ៊ុនគ្រប់គ្រងដោយ SAIC Motor របស់ចិន មានគម្រោងក្នុងការប្រមូលមូលនិធិសម្រាប់ជម្រុញផែនការអនាគតរបស់ខ្លួន ដែលពាក់ព័ន្ធទៅនឹងរថយន្តអគ្គិសនីនៅក្នុងប្រទេសឥណ្ឌា។ អ្វីដែលគួរអោយចាប់អារម្មណ៍នោះ ក្រុមហ៊ុននេះ ក៏មានគោលដៅក្នុងការជម្រុញទៅលើអាជីវកម្មរថយន្តអគ្គិសនីរបស់ខ្លួនចំពេលដែលមានជម្លោះរវាងប្រទេសចិន និងឥណ្ឌា ខណៈពេលដែលមានការវិនិយោគរបស់ចិន ស្ថិតនៅក្នុងការត្រួតពិនិត្យនៃទម្រង់មូលនិធិនេះ។
តាមការបញ្ជាក់នៅក្នុងរបាយការណ៍របស់សារព័ត៌មាន Reuters ដែលដកស្រង់ចេញពីប្រភពចំនួន 3 ដែលមានការពាក់ព័ន្ធទៅនឹងបញ្ហានេះ បានបញ្ជាក់អោយដឹងថា ក្រុមហ៊ុន MG Motor នៅក្នុងប្រទេសឥណ្ឌា ត្រូវបានគេរំពឹងថា នឹងលក់ភាគហ៊ុនប្រហែលជា 10% ទៅ 30%។ បន្ថែមពីនេះទៀតនោះ ក្រុមហ៊ុនផលិតរថយន្តនេះ អាចនឹងផ្តោតទៅលើអាជីវកម្មរថយន្តអគ្គិសនីនៅក្នុងប្រទេសឥណ្ឌានេះផងដែរ។
របាយការណ៍ដដែលនេះ បានបន្ថែមថា ក្រុមហ៊ុនផលិតរថយន្តមួយនេះ ក៏បាននិយាយជាមួយនឹងមូលនិធិភាគហ៊ុនបរទេសរបស់ខ្លួន និងថែមទាំងមានការបង្ហាញអំពីការជម្រុញទៅលើការវិនិយោគទៅលើរថយន្តអគ្គិសនីនេះ ផងដែរ។ ដោយសារតែរថយន្តអគ្គិសនីនេះ គឺមានការកើនឡើងខ្លាំងមែនទែននៅក្នុងឧស្សាហកម្មរថយន្តស្វ័យប្រវត្តិនារយៈពេលចុងក្រោយ៕
