Yamaha បង្ហាញចេញនូវកង់អគ្គិសនីរបស់ខ្លួនចំនួន 2 ម៉ូដែល មានសមត្ថភាពរត់បានល្បឿនដល់ទៅ 48 គីឡូម៉ែតក្នុងមួយម៉ោង

នៅថ្ងៃនេះ មានព័ត៌មានថា ក្រុមហ៊ុន Yamaha ទើបតែធ្វើការអាប់ដេតទៅលើកង់អគ្គិសនីរបស់ខ្លួនជាមួយនឹងការប្រកាសបង្ហាញវត្តមាននូវកង់ Wabash RT និង CrossCore RC។ សម្រាប់កង់អគ្គិសនីទាំង 2 ម៉ូដែលនេះ គឺប្រើប្រាស់នូវម៉ូទ័រ PWSeries ST mid-drive motor ដែលមានការអភិវឌ្ឍរបស់ក្រុមហ៊ុន Yamaha ផ្ទាល់តែម្តង។ កង់ទាំងពីរម៉ូដែលនេះ គឺមានល្បឿនដល់ទៅ 28mph។ សម្រាប់កង់ Wabash RT គឺសក្តិសមសម្រាប់ផ្លូវ off-road ហើយសម្រាប់កង់ CrossCore RC គឺល្អសម្រាប់ប្រើប្រាស់នៅលើផ្លូវថ្នល់។

ក្រុមហ៊ុននេះ បាននិយាយទៀតថា កង់ម៉ូដែលថ្មីនេះ គឺមានមុខងារថ្មីៗនិងកាន់តែមានប្រសិទ្ធិភាពក្នុងការធ្វើដំណើរ។ ក្រុមហ៊ុននេះ បាននិយាយថា ចំនួននេះ ក៏មានការកើនឡើងទៅលើតម្រូវការសម្រាប់កង់នៅក្នុងការហាត់ប្រាណ និងស្ថានភាពមួយចំនួនទៀត។ PWSeries ST motor នេះ មានកម្លាំងដល់ទៅ 500W ហើយអាចនឹងមានល្បឿនដល់ទៅ 28mph។ 

ក្រុមហ៊ុន Yamaha បានបញ្ជាក់ថា តម្លៃរបស់កង់អគ្គិសនី Wabash RT នេះ គឺនឹងចាប់ផ្តើមដាក់លក់នៅលើទីផ្សារជាមួយនិង $4,099 ខណៈពេលដែលកង់ CrossCore RC គឺមានតម្លៃ $3,099 ហើយកង់អគ្គិសនីទាំងពីរម៉ូដែលនេះ នឹងដាក់លក់នៅក្នុងរដូវក្តៅនេះ ហើយក៏មានច្រើនពណ៌សម្រាប់ធ្វើការជ្រើសរើសផងដែរ៕