Rivian Automotive ទទួលបានប្រាក់លើកទឹកចិត្តពន្ធចំនួន 1.5 ពាន់លានដុល្លារអាមេរិក ដើម្បីសាងសង់រោងចក្រនៅក្នុងរដ្ឋហ្សកហ្ស៊ី

ក្រុមហ៊ុន Rivian Automotive ដែលជាក្រុមហ៊ុនធំមួយរបស់អាមេរិកមានជំនាញខាងផលិតរថយន្តប្រភេទ Pick-Up Trucks ដើរដោយថាមពលអគ្គិសនី ត្រូវបានគេរាយការណ៌ថា នឹងទទួលបាននូវទឹកប្រាក់លើកទឹកចិត្តចំនួន ដល់ 1.5 ពាន់លានដុល្លារអាមេរិក ដើម្បីធ្វើការបង្កើតនូវរោងចក្រផលិតរថយន្តមួយ ដែលគេដឹងថា គឺមានទីតាំងស្ថិតនៅជិតតំបន់ Atlanta ដែលការជួយទំនុកបំរុងនៅពេលនេះ ត្រូវបានគេមើលឃើញថា នឹងជម្រុញទៅលើកិច្ចខិតខំប្រឹងប្រែងក្នុងការផលិតរថយន្តរបស់ក្រុមហ៊ុនមួយននេះ។

សម្រាប់កញ្ចប់នៃប្រាក់លើកទឹកចិត្តនេះ គឺប្រកាសដោយរដ្ឋហ្សកហ្ស៊ី ដែលនេះ គឺជាកញ្ចប់ថវិកាដ៏ធំបំផុតក្នុងប្រវត្តិសាស្រ្តរបស់រដ្ឋមួយនេះ។ សូមជំរាបថា នាយកដ្ឋានអភិវឌ្ឍន៍សេដ្ឋកិច្ចរដ្ឋហ្សកហ្ស៊ី បាននិយាយថា គឺមានឥណទានពន្ធ ការកាត់បន្ថយពន្ធ និងការឧបត្ថម្ភផ្សេងៗ ដូចជាការរៀបចំកន្លែង និងការគាំទ្រការបណ្តុះបណ្តាលការងារពីរដ្ឋនេះផងដេរ។

ជាមួយគ្នានេះ ក្រុមហ៊ុនផលិតរថយន្តនេះ ក៏នឹងទទួលបាននូវឥណទានពន្ធស្របច្បាប់ចំនួន 476 លានដុល្លារប្រសិនបើវាបំពេញតាមការសន្យា ដើម្បីបង្កើតការងារសរុបចំនួន 7,500 នៅដំណាច់ឆ្នាំ 2028។ ប្រសិនបើក្រុមហ៊ុននេះ មិនអាចសម្រេចបាននោះទេ រដ្ឋហ្សកហ្ស៊ី នឹងមានវិធានការការពារទៅលើការជាប់ពន្ធផ្សេងទៀតផងដែរ។ ក្រុមហ៊ុននេះ នឹងទទួលបាននូវទឹកប្រាក់ចំនួន 288 លានដុល្លារអាមេរិកនៅក្នុងការចំណាយទៅលើការរៀបចំគេហទំព័រ និងកម្មវិធីបណ្តុះបណ្តាលការងារផងដែរ។ សម្រាប់ការបន្ធូរបន្ថយពន្ធនៅក្នុងរដ្ឋនេះ គឺមានការបញ្ចេញកញ្ចប់ថវិកាចំនួនដល់ទៅ 700 លានដុល្លារអាមេរិកេណោះនៅក្នុងរយៈពេល 25 ឆ្នាំ៕