Detel Easy Plus បង្ហាញនូវកង់អគ្គិសនីរបស់ខ្លួន ដែលមានសមត្ថភាពអាចជិះក្នុងល្បឿន 25km/h និងអាចធ្វើដំណើរបានដល់ទៅ 60 គីឡូម៉ែត្រ

នៅពេលនេះការប្រើប្រាស់កង់អគ្គីសនីនៅទីផ្សារនៅក្នុងប្រទេសឥណ្ឌា គឺមានការកើនឡើងខ្លាំងក្លាមែនទែនហើយ ក្រុមហ៊ុន Detel Easy Plus ក៏បានបង្ហាញនូវកង់អគ្គិសនីថ្មីនៅក្នុងទីផ្សាររបស់ប្រទេសឥណ្ឌាផងដែរ។ កង់អគ្គិសនីថ្មីនេះ មានសមត្ថភាពអាចបើកបរក្នុងល្បឿន 25km/h ហើយនិងអាចធ្វើដំណើរបានដល់ទៅ 60 គីឡូម៉ែត្រនៅក្នុងការសាកថ្មម្តង។ កង់អគ្គិសនីនេះប្រើប្រាស់នូវ 250W motor ។

កង់អគ្គិសនីនេះ អាចផ្ទុកទម្ងន់បានដល់ទៅ 170kg។ កង់នេះ មានថាមពលថ្ម 20Ahហើយការសាកថ្មកង់នេះពី 0 ទៅ 100% គឺចំណាយពេលវេលាពី 4-5 ម៉ោង។ បើមើលទៅលើការឌីស្សាញនោះ ក្រុមហ៊ុន Detel Easy Plus ផ្តល់នូវអ្វីដែលប្លែកពីក្រុមហ៊ុន Alther និង Ola។ កង់នេះ មានការឌីស្សាញយ៉ាងទាន់សម័យដែលងាយស្រួលក្នុងការផលិត និងតម្លៃថោកជាងមុនផងដែរ។

ក្រុមហ៊ុននេះ បានផ្តល់ជូននូវការធានាជូនរយៈពេល 1 ឆ្នាំ និងរយៈពេល 2 ឆ្នាំ ឬ 40,000km ទៅលើថាមពលថ្មរបស់វា។ កង់ Detel Easy Plusនេះគឺមានពីរពណ៌សម្រាប់ជ្រើសរើសនោះគឺ Metallic Red និង Silver Grey។ កង់នេះមានតម្លៃ  ₹41,999 (~$570) បើធៀបជាមួយនឹង Ola S1 ដែលបង្ហាញខ្លួននៅក្នុងប្រទេសឥណ្ឌា កាលពីខែមុននេះ គឺមានតម្លៃចាប់ផ្តើមពី ₹99,999 ។ កង់នេះអាចរកទិញបាននៅក្នុងរដ្ឋ Haryana, Delhi និង  West Uttar Pradesh ៕