យោងតាមព័ត៌មានថ្មីថ្ងៃនេះ បាននិយាយថា realme គ្រោងនឹងបង្ហាញចេញនូវផលិតផលដែលប្រើប្រាស់បច្ចេកវិទ្យា EV នៅប្រទេសឥណ្ឌាឆាប់ៗនេះហើយ ក្នុងនោះមានដូចជា រថយន្តអគ្គីសនី និងម៉ូតូអគ្គីសនី រួមជាមួយនឹងផលិតផលនានា ដែលគាំទ្រដោយបច្ចេកវិទ្យាបើកបរស្វ័យប្រវត្តិជាដើម។
ក្រុមហ៊ុនេះត្រូវបានគេមើលឃើញថា បានពង្រីកខ្លួនលឿនមែនទែននៅក្នុងអាជីវកម្មស្មាតហ្វូន តាមរយៈនៃការបង្ហាញវត្តមានរបស់ស្មាតហ្វូនលំដាប់ថវិការបស់់ខ្លួន ហើយពេលនេះ realme ក៏កំពុងតែខិតខំបញ្ចេញនូវស្មាតហ្វូន Flagship ផងដែរ។ ប្រសិនបើមើលទៅលើទស្សន់វិស័យនោះ ក្រុមហ៊ុននេះបានគិតបានវែងឆ្ងាយណាស់ គឺក្រៅពីស្មាតហ្វូន ក្រុមហ៊ុននេះក៏មាននូវផលិតផលផ្សេងៗជាច្រើនទៀតដូចជា washing machines, smart TVs, laptops និងផលិតផល IoT រួមជាមួយនឹងរបស់របប្រើប្រាស់ជាច្រើនទៀតផងដែរ។
ជាមួយគ្នានេះ ក៏មានពាក្យចចាមអារ៉ាមថា ក្រុមហ៊ុននេះក៏នឹងបង្ហាញចេញនូវម៉ាស៊ីនត្រជាក់ផងដែរ ស្របពេលដែលថ្ងៃនេះ RushLane ក៏បានបញ្ជាក់ថា ម៉ាកយីហោនេះ ក៏នឹងមានការពង្រីកនូវស្រឡាយផលិតផលថ្មីជាច្រើនថែមទៀតផង។ មានរបាយការន៍ថា realme បានចុះបញ្ជីស្លាកយីហោសម្រាប់រថយន្តអគ្គីសនី Electric Vehicles រួចរាល់ហើយ នៅក្នុងនោះក៏មានផលិតផលបញ្ជាដោយស្វ័យប្រវត្តិ និងកាមេរ៉ាដ្រូន និងផលិតផលសម្រាប់ប្រើជាមួយ EV ផងដែរ។ សម្រាប់ឈ្មោះដែលបានចុះបញ្ជីនេះ ត្រូវបានគេបញ្ជាក់ថា គឺជារថយន្ត ដែលអាចដំណើរបានទាំងផ្លូវគោគ ផ្លូវអាកាស និងផ្លូវទឹក ហើយក៏មានការបញ្ជាក់ថា ផលិតផលរថយន្តអគ្គីសនីរបស់ realme នេះ នឹងបង្ហាញខ្លួននៅឥណ្ឌាឆាប់ៗនេះហើយ។
បន្ថែមពីនេះ ក៏មានការបញ្ជាក់ទៀតថា ស្លាកសញ្ញាពាណិជ្ជកម្មថ្មណេះ គឺគ្រួសារតែមួយរបស់ realme Mobile ទៀតផង។ សូមជំរាបថា realme គឺជាក្រុមហ៊នមួយដែលជោគជ័យបំផុត បន្ទាប់ពីបានប្រកាសចេញនូវស្មាតហ្វូនដំបូងរបស់ខ្លួនបានត្រឹមតែជាង 3 ខែប៉ុណ្ណោះ។ ក្រុមហ៊ុននេះ បានលក់ស្មាតហ្វូនដំបូងរបស់ខ្លួន បានចំនួន 4,00,000 គ្រឿង ដោយប្រើប្រាស់ពេលត្រឹមតែ 40 ថ្ងៃប៉ុណ្ណោះ។
