ថ្មីៗនេះ Slashgear បានរាយការណ៍ថា រថយន្តជាច្រើនរបស់ក្រុមហ៊ុន Volvo គឺបាននឹងកំពុងតែធ្វើការអភិវឌ្ឍយ៉ាងខ្លាំងទៅលើ Optical Imaging ដែលមានវិនិយោគ និងការអភិវឌ្ឍន៍ដោយក្រុមហ៊ុនថ្មីដែលមានឈ្មោះហៅថា Spectralics ។ ក្រុមហ៊ុនផលិតរថយន្តនេះ គឺមានបំណងចង់ធ្វើការអភិវឌ្ឍទៅលើបច្ចេកវិទ្យាថ្មីដែលអាចប្រែក្លាយនូវផ្ទាំងកញ្ចក់ខាងមុខរថយន្តនេះ ទៅជាអេក្រង់ដ៏ឆ្លាតវៃមួយ។ បច្ចេកវិទ្យានេះគឺអស្ចារ្យជាងអេក្រង់ HUD នៅក្នុងពេលបច្ចុប្បន្ននេះ។
ជាមួយនឹងគម្រោងថ្មីនេះ ក្រុមហ៊ុន Volvo បាននិយាយថា ក្រុមហ៊ុននឹងជួយពង្រឹងទៅលើបទពិសោធន៍នៃការបើកបរ និងសុវត្ថិភាពបំផុតក្នុងការប្រើប្រាស់។ ក្រុមហ៊ុន Spectralics ក៏ធ្វើការអភិវឌ្ឍទៅលើ Optical Film ដែលអាចប្រើប្រាស់ទៅលើផ្ទៃថ្លានៃរូបរាង និងទំហំផ្សេងៗគ្នា។ ផលិតផលថ្មីនេះ គឺពិតជាល្អក្នុងការប្រើប្រាស់នៅលើផ្ទាំងកញ្ចក់រថយន្តខាងមុខ ឬផ្ទាំងបង្អួចរបស់រថយន្ត។ នៅលើកញ្ចក់នេះ ក៏មាននូវមុខងារ Multilayer Film Composite (MLTC) ដែលអាចបង្ហាញរូបភាពបានផងដែរ។
សូមជំរាបថា ប្រព័ន្ធ system របស់ក្រុមហ៊ុន Volvo នេះ គឺមិនត្រឹមតែពឹងផ្អែកនៅលើ Display Film នោះទេ ប៉ុន្តែវាក៏តម្រូវអោយរថយន្តនេះ មានភ្ជាប់ជាមួយនឹង Anti-Blind Zone Cameras និង Sensors ផងដែរ។ ជាមួយនឹងប្រព័ន្ធថ្មីនេះ គឺនឹងធ្វើអោយផ្ទាំងកញ្ចក់ខាងមុខរបស់រថយន្តនេះ អាចធ្វើការបង្ហាញនូវព័ត៌មាន navigation និងល្បឿន real-time ថែមទៀតផង។ សម្រាប់ពេលយប់វិញ កញ្ចក់ខាងមុខនេះ អាចបង្ហាញនូវរូបភាពជាច្រើនបានតាមរយៈ Sensors និងកាមេរ៉ារបស់រថយន្តនេះ។ បច្ចេកវិទ្យានេះ នឹងជួយកាត់បន្ថយទៅលើបញ្ហានៅខាងមុខ និងការពារទៅលើបញ្ហានៃការប៉ះទង្គិចនៃផ្នែកខាងក្រោយផងដែរ៕