Neta S គឺជារថយន្តអគ្គិសនីស៊េរីថ្មីឆ្នាំ 2022 របស់ក្រុមហ៊ុន Hozon Auto ដែលទើបតែប្រកាសចេញកាលពីពេលថ្មីៗនេះ។ ហើយពេលនេះ Neta S ត្រូវបានក្រុមហ៊ុនប្រកាសចេញលក់ផ្លូវការណ៍លើកដំបូងនៅក្នុងទីផ្សារប្រទេសចិនជាមួយតម្លៃចាប់ពីខ្ទង់ប្រហែល 3 ម៉ឺនដុល្លារឡើងទៅ។ សូមជំរាបថា Hozon Auto គឺជាក្រុមហ៊ុនផលិតរថយន្តល្បីឈ្មោះមួយក្នុងចំនោមក្រុមហ៊ុនជាច្រើននៅក្នុងប្រទេសចិន។
បក្រុមហ៊ុននេះត្រូវបានបង្កើតឡើងដំបូងនៅក្នុងឆ្នាំ 2014 ដោយកិច្ចសហការគ្នារវាងក្រុមហ៊ុន Beijing Sinohytec និងសកលវិទ្យាល័យTsinghua University ដែលក្លាយជាក្រុមហ៊ុនផលិតរថយន្តដំបូងគេក្នុងលោកដែលបានរួមសហការជាមួយនឹងសកលវិទ្យាល័យក្នុងការអភិវឌ្ឍបង្កើតផលិតរថយន្ត។ រហូតដល់ឆ្នាំ 2018 ក្រុមហ៊ុន Hozon បានបង្កើតមជ្ឈមណ្ឌលស្រាវជ្រាវផ្នែកវិស្វកម្មរថយន្ត ឬ Autonomous Research Center ផ្ទាល់ខ្លួននៅក្នុងតំបន់ឧស្សាហកម្មបច្ចេកវិទ្យា Silicon Valley និងផលិតបានរថយន្តចំនួន 4 ម៉ូដែល ហើយ Hozon Auto Neta S ជារថយន្តម៉ូដែលចុងក្រោយបង្អស់របស់ក្រុមហ៊ុន។
Neta S ជារថយន្តអគ្គិសនីប្រភេទ Sedan ដែលមានប្រវែងតួខ្លួនជិត 5 ម៉ែត្រ និងមានជម្រើសពីរម៉ូដែល គឺ Neta S BEV ក៏ដូចជា EV ដើម្បីជំនួយដល់ការបង្កើនល្បឿនបើកបរ ហើយរថយន្តស៊េរីថ្មីនេះក៏កំពុងទទួលបានប្រជាប្រិយភាពខ្លាំងនៅក្នុងទីផ្សារប្រទេសចិនផងដែរ។ សម្រាប់ម៉ូដែលខ្ពស់បំផុតរបស់ Neta S Series គឺអាចរត់បានរយះចំងាយផ្លូវដល់ 680 ម៉ាយល៍ ឬប្រហែល 1,100 គីឡូម៉ែត្រ។ វាប្រើប្រាស់ម៉ាស៊ីនសាំងចំនុះ 1.5L រួមជាមួយម៉ូទ័រចំនួន 4 ឬ 4 Cylinder Monitor ដោយម៉ូទ័រទាំង 4 គ្រាប់នេះ គឺប្រើសម្រាប់សាកថ្មប៉ុណ្ណោះ ដោយពួកវាមិនបានភ្ជាប់ដោយផ្ទាល់ជាមួយប្រព័ន្ធបើកបរ Drivetrain របស់រថយន្តនោះទេ។
សម្រាប់ម៉ូដែល Neta S BEV វិញបានបំពាក់ម៉ូទ័រអគ្គិសនីចំនួនពីរ 2 Electric Motors សម្រាប់ទាញបង្វិលកង់ទាំងបួន ឬ All Wheels Drive។ ម៉ូដែលនេះម៉ូទ័រអគ្គិសនីទាំង 2 រស់វាអាចផលិតកំលាំង Horsepower បាន 455hp និងល្បឿនបង្វិលបាន 620Nm ដែលអាចជាន់សន្ទុះល្បឿនពីចំនុច 0 ទៅ 100 គីឡូម៉ែត្រចំនាយពេលតិចជាង 4 វិនាទី ហើយការសាកអាចគុយពេញម្តងអាចបើកបរបានចំងាយផ្លូវជាង 400 ម៉ាយល៍ ឬជាង 643 គីឡូម៉ែត្រ។ Hozon Auto Neta S Series បំពាក់ប្រព័ន្ធបើកបរស្វ័យប្រវត្តិ 4L Autonomous Driving ដែលភ្ជាប់ដោយប្រព័ន្ធចាប់សញ្ញា LiDAR Sensor ចំនួន 2 គ្រាប់ ជាមួយប្រព័ន្ធសែនស័រជំនួយមួយជុំរថយន្តចំនួន 30 គ្រាប់ផ្សេងទៀត។ ទោះជាយ៉ាងណា Neta S Series គឺមិនទាន់ដាក់ឲ្យដំណើរការជាមួយប្រព័ន្ធ Huawei Inside នៅឡើយទេ ដែលបច្ចុប្បន្នប្រព័ន្ធ Huawei Inside គឺបានបំពាក់ដំបូងគេនៅលើរថយន្តម៉ាក Avatr 11 ប៉ុណ្ណោះ។
ចំពោះតម្លៃវិញ Hozon Auto Neta S មានតម្លៃខ្ទង់ប្រហែល $29,600 ហើយសម្រាប់ម៉ូដែលកំពូលមានតម្លៃខ្ទង់ប្រហែល $50,300 និងមានជម្រើស 3 ពណ៌៕